ابي رد يريحني واللي سويته غلط او عادي/ استوفى الرد

السلام عليكم

بنات بدخل بالموضوع على طول انا زوجي صارت عليه مشكله بسيطه بسبب مضاربه المهم انا ماكنت ادري وين مكانه هو حي ميت الله اعلم اختفى فجاءه طبعا كنت بحاله الله يعلم فيها لانه طيب وكافي خيره وشره ولاهو راعي مشاكل بس الحمدلله على كل حال
المهم انا دوروا اهله بكل مكان باقسام الشرطه باالمستشفيات قالو ماله اثر وهذا اللي زاد الخوف عندي المهم كل يوم انزل لاهله طبعا ساكنين تحت وانا فوق وكل يوم انزل اسئل اذا فيه اخبار عنه وحالتي الله يعلم فيها لااكل ولانوم وعيالي بس يبكون يبونه هذا اللي زاد ااحاله عندي غير الافكار الشينه اللي تطري علي اول يوم من المشكله بعد ماطلعت من عند اهله كانوا خايفين شي طبيعي كلنا اليوم الثاني من المشكله كان الوضع عكس يضحكون ويسولفون وام زوجي مبخره البيت وتتقهوا انا هنا استغربت وانبسطت قلت ان شاءالله وصلهم خبر وعرفوا مكانه سئلت عمي ابو زوجي قلت بشر ياعم قال ابد للحين ماندري ويضحك انا هنا الصدمه قلت محد يدري طيب شلون كذا هم مايدرون وقاعدين يتقهوون ويضحكون انا هنا خلاص حسيت ببرود عندهم موراضين يعلموني واكلم اختي وكانت ام زوجي عندي وابكي ابكي ابكي من قلب زي بكى الاطفال ولافتحت فمها بكلمه وربي يابنات المهم كرهت المكان اللي انا فيه وماقدرت اتحمل نفسي طلعت بيتي اكمل دموعي وقهري وخوفي وعيالي جنبي يبكون وتذكرت ان زوجي قالي اي شي يصير لي دقي على اخوي اخوه هذا ضابط واصغر من زوجي ومتزوج وربي الهمني وادق عليه لان رقمه كان موجود عندي للطوارئ طبعا هو ساكن بمنطقه ثانيه ودقيت عليه وخليت ولدي يكلمه ويقوله ومافهم منه شي بس بعدين ماقدرت اتحمل من اابكي والخوف اللي فيني اخذت الجوال وكلمته قلت يافلان اسأالك بالله اذا زوجي فيه شي قولي ابي اعرف وينه هو واقولها وانا ابكي ابكي ابكي وقال تطمني طيب ومافيه شي بس حاليا موقف لانه تضارب مع شخص قلت طيب احد شافه راحله قال ايه شافوه اخواني وهو طيب وانتهت اامكالمه والحمدلله تطمنت على زوجي ياربي لك الحمد

انا هنا عرفت انه امه وابوه كان عندهم خبر بس مادري ليه ماقالولي ودق عليهم زوجي ولا قالولي طبعا دق عليهم بحكم انهم ابوه وامه اكيد يبي يطمنهم اول حزت في خاطري ليش ماعلموني ولاطمنوني
بعدها بكم يوم جاتني اخت زوجي في بيتي وقامت تتكلم وتقول ليش تدقين على فلان اللي هو اخو زوجي انتي ترضين انا زوجته تدق على زوجك وتكلمه قلت انا مادقيت الا للضروره ولما شفت محد طمني ولاحد راضي يجاوبني على اسئلتي وزوجي اللي موصيني اني اكلمه اذا حصل شي وقامت تنكلم بالحلال والحرام مع العلم يابنات والله موشماته واستغفر ربي اذا كانت شماته هي كانت مطلقه لفتره وساكنه لحالها بمدينه ثانيه غير اللي اهلها فيها وتروح وتجي مع سواقين انا اللي ابي اوصله انها موملتزمه باالحلال والحرام خلو سالفة السواقين فيه ناس تضطر انها تركب معهم وكثير بس اللي ابي اوصله انها يقولون مالا يفعلون يعني اللحين هي شلون تنصحني هذا حلال وهذا حرام وتسافر وزوجها مايدري لانها هي بقر يه تتدرس وزوجها بمدينه بعيده شوي بحكم عمله وتجي عند اهلها بدون ماتاخذ راي زوجها اللي اقصده واللي ابي اوصله انا اخطأت لما دقيت على اخو زوجي اولا

اتمنى يابنات والفاهمات يجاوبوني والنفسيات رجاء رجاء رجاء مايردون لان الوضع مايحتمل والنفسيه ماتحمل والله يابنات جد جد انقهرت جتني نار بصدري من الحره والقهر انا طرحت موضوعي عشان القى رد يريحني واخت تنصحني
اسفه عالأخطاء الكتابيه لاني اكتب من جوالي

ودي