تُولاي @tolay_18

عضوة جديدة

ابي زواج سعيد

زوجي كريم في بيته لكن مقصر معاي انا تخيلو بنات انا مالي الا اربعه شهور من تزوجنا ولا مره جاب لي هديه
حتى اذا طلعنا سوق وكان يعجبني شى ياخذه من يدي ويرجعه وحن في اول شهر من الزواج
ماعمره اعطاني ريال حتى لما اروح عند اهلي بنام عندهم م يعطيني مصروف ومايقولي انت محتاجه شى
م عرفت وش اسوي معاه
انا الحين حامل خلصت الثلاثه شهور قاعده اطلبه يوديني اشتري ملابس حمل ويقول بعدين بعدين لي شهر اطلبه
تعبت
هو يحبني ايه بس م ادري وش اقول عن حالته هذي
كنت احسب الزواج اهتمام وحب وهدايا
مثل اي بنت في بداية زواجها صار العكس معاي
تخيلو الحين ماعاد يبي يطلعني مكان محبوسه ف البيت لا يمشيني ولاشي
هو يطلع يصرف نفسه ب اي عذر وانا اقعد لحالي بالبيت
ناقشته كثير م فيه فايده كنت اتمنى هو من نفسه يقولي خلينا نطلع ولا مره قالها
اكشخ له البس ياخذني بس للفراش ولا شغاله بالمطبخ
هو طيب بس م ادري ليش يعاملني كذا
كيف اتصرف معاه كيف اخليه يتغير
ابي يكون حالي نفس حال كل البنات المتزوجات
كنت اشوف اخواني مع حريمهم يطلعونهم في اي مكان يروحون له تخيلو حتى بالصباح
واذا قلت بدخل اي احد من الاهل اخاف اندم
ساعدوني كيف اغير زوجي تكفون

يلزم عليك تسجيل الدخول أولًا لكتابة تعليق.

تسجيل دخول

foOofo1403 • 8 سنوات

الله يعينك

رغد القحطاني /// • 8 سنوات

لا انا احس المشكله ما تستاهل تدخل الاهل
لا تدخلينهم وتنقلب عليك وتكبر وتنتهي لاقدر الله بالطلاق
مشكلتك بسيطه انتي تقدري تحليها لوحدك
بالكلام الحلو والدلع والتغنج بتخلينه يسوي اللي تبينه وبكيفك

Arrwaa • 8 سنوات

ياقلبي انتي اطلبي منه يطلعك
قولي انا نفسيتي تعبانه مع الحمل
ومحتاجه أغير جوو وكلميه بهداوه
وان شاء الله يتغير انا كيذا زوجي مايتحرك
غيرررر انا اطلب وليا سنتين نفس الشي🙇🏻
والمصروف كمان اطلبيه اذا نزلتي لأهلك لازم
تعودينه من الحين قولي احتاج الفلوس لو يطلبو اهلي شي اقط معاهم
او يجيبولي اغراض
مو معقوله اهلك بيصرفون عليك
حتى بعد الزواج وهو يصررف ع نفسه
براحته وحارمك
فيه رجال مايمشو الا بالزن الله يسخرلك زوجك ويسعدك ويتمم لك حملك 💕💕

الغريبة في الحياة • 8 سنوات

شووفي هذا اهم مرحلة بحيات المتزوجين يا تعودينة يا يعودك وباين يبي يمشيك على نمط معين من الحين حطي النقط فوق الحروف لاتدخلين احد تجرأي وقولي ابغاك بموضوع
انا عروس واستحي منك لكن في امور لازم تكون واضحة بين الزوجين
احنا ناس متعودين اذا عيالنا تملكوا يمشون لبنات الناس مصروف واذا خواتي تملكوا يمشولهم ازواجهم مصروف وحددي كم تبين بس لايقل عن 500لك لحالك مايدخل فيها اي طفل وسداد فاتورة جوالك لايقل عن 300
بعدين انا احتاج للخروج لأني انسانة مايصير انحبس مثل الحيوانات والمساجين حددي يوم تتمشين وياة
ويوم تزورين فيه اهلك من كل اسبوع ويوم تزورين صديقاتك بالشهر وتلبين العزايم والافراح واذا تبين تزورين والدة مريض قولي كل هذي بيت اهلي وحريم اخواني وخواتي يسونها اكور طبيعية بأي بيت الغير طبيعي الحبسة وعدم اعطائي مصروف الصراحة استغربت منك انتي كلمية على اساس اللي يسوية خارج عن العادة
صدقيني طلاق مو مطلق بعد ماصرف دم قلبة بيزعل خلية يزعل كم يوم ويطخ حقوقك لو ماخذتيهن الحين لاتحلمين تاخذينهن بعدين
وقولي كنت بخبر اهلي بس هذي امور طبيعية اكيد انت عارفة بس كنت ساهي اخاف اهلي يقولون عليك بخيل فلوس ومشاعر وانا احبك ما ارضاء عليك والله يوفقك ويسهل عليك وقبل كل شيء استخيري

بنت طرازن • 8 سنوات

الله يفرج لك همك وييسر امرك