ابي زوجتي ترجع..

هالشكوى لاخوي جانا يشتكي من حرمته وقلت له ماعندك غير بنات حواء الحين انزل لك موضوع وهم مايقصرون بالردود والحل اللي يعجبك انسخه ووريه لزوجتك وماتدري يمكن يقنعونك وترضي عنها

المهم هويقول انا احب الحرمة الفرفوشة اللي تضحك ومايهمني البيت وترتيبه اعذرها اكيد الشغل كثير
انا اخذت فترة قصرت عليها بالمادة وماكنت اخليها تشتري والحين الحمد لله الوضع احسن وكل مااقولها اشتري تقول لا بشتري للبيت
هلكت منها بدخلها محل ملابس للبيت تقول لا نبغي محل كماليات
احسهاتعودت علي الاهمال وانا احبها وابيها تهتم عشاني..شعرها ماتعرف غير الكعكية ولاشعرة نازلة دايم اقولها افتحي شعرك تقول يضايقني اجل مطولته ليه؟؟قصيه احسن لك
مادري عندها اكتئاب او تعودت علي الحياة غير عن قبل
المح لها اني اكره الشيب ولو اشوف شيبة نفسي تعاف الحرمة وهي تقول صادق مو حلو ماادري هي ماتشوف شعرها بالمراية؟؟
خذي فلوس وروحي المشغل تزبطي تقول كله امراض وقرف انا اسوي بالبيت ومااشوفها تسوي غير من عيد لعيد او مناسبة
شريت لها عدسات قبل يوم العيد طلعت الصباح عشانها اعرف عيونها حلوة بالعدسات ولبستها بالعيد وماعاد شفتها عليها تقول تصدع منها؟؟طيب انا ايش اللي خلاني اطلع الصبح للسوق وكله فتنة وانا صايم الا عشان عيونك
انا ماانكر انها اصيلة ومراعيتني واني امووت عليها عشان كذا ما ابغي صورتها الحلوة تروح من بالي ابيها زي زمان ماادري وش صار عليها
حاولت المح لها واكلمها تزعل وتبكي وتهتم يومين وترجع وانا ماابي هالاسلوب الزعل واخذها للسوق عشان تشتري زي ماقلت لكم عقلها بالكماليات والاثاث وانا اخر اهتماماتها