ابي زوج ملتزم عشان يخاف الله فيني واخذت ملتزم بس للاسف منظر

السلام عليكم
فيني ضيقة النيا
وتعبااااااااانه تعب من امس لانوم ولا اكل منهاااااااااااره منهاااره ماكنت متوقعهً بجي يوم من الايام
واقولكم ان زوجي يشوف صور وقحه وصور قلة ادب تدرون ليه
لانه ملتحي يعني ملتزم وحافظ القران وعنده من العلم
ورب البيت مصدومه كاره نفسي وكاره شكلي ورب البيت موب مقصره معه
تخيلو فتح جواله وعلى طول طلع على وحده متعريه هو ارتبك ودخل على الاستديو يعني قبل مايدخل البيت قاعد يتفرج ولا امداه يقفل ويحسب ماشفت الصوره قلت له وش هذا قال ايه انا مقدم بلاغ اساءة قعدت اضحك طبعا هو معه جوال الجالكسيً وهالجوال فيه برامج مجانيه وتتحمل على طول من صور نسا عاريات الى قصص جنس.......... حسبي الله ونعم الوكيل
قمت اصارخ واصيح قلت اجل حافظ قران وملتزم طبعا لبس ثوبه وانحاش:o
وقمت ارسله اتحسب عليه وجعل اللي شفته انا يشوفونه اخواتك قام قالي روحي لاهلك انا بطلع برى الرياض
طبعا مارحت وجلست الين جا وقاعده اصيح واتحسب وانا بالغرفه وهو بالصاله ويسمع
جاني وجاب مصحف وحلف انه ماشافهم لشهوه قعدت اضحكً اجل ليه تناظر قال ابلغ عنهم وقام يدعي ع نفسه وعاخواته انه ماشافهم قلت له ترى الحلف لانقاذ الحياة الزوجيه من الانهيار يجوز قام خذ المصحف وقام يحلف ان مو علشان الحياة الزوجيه بس اقسم بالله انا متاكده انه كذاب لانه الارتباك بان عليه اول ماطلع جواله ولو اني ماوضحت اني شايفه الصور كان سكت
بنات بنات
هو ملتززززززم حافظ قران شلون شلون انا تعبانه من امس وفيني كبته ودي اصارخ خصوصا اني حامل
طبعا اليوم جاب غداء لاني مافكرت ازين وقعد يغصبني بعدها تعوذت من ابليس وزينت قهوة المغرب ولاجبنا طاري بس فيني حررررره
يوم صلو العشا دخلت الغرفة وقعدت اصيح وهويسمع :(:(
عقب جاني وقالي وين تبين تروحين بكره اااااه خاطري مجروح والله
حسيت يبي يرضيني وحسيت انه متضايق لاني ادعي واتحسب
يكفي انه بالاسبوع مايجيني اللى مره وحده ويقول هذا الطبيعي
شكيت بنفسي اللحين دامه منقطع عني ويناظر هالصور اكيد قاعد يقارن بينا
ولاعاد صار له خلق لي صح ولا لا يابنات

بنات
طالبتكم وش اسوي وش اسوي فيني هم االدنيا
ابيه يحرم يشوف هالاشياء شلوووون :30:


انتظركم لاني حيل تعبانه

استودعتكم ربي :26: