ابي زيت اوخلطة يطول شعري بسرررررعة قبل موعد العرس بالصيف لاتخيبووني

اول شي باقولج على طبيعة شعري عشان تشوفين اذا تناسبك او لا
خفيف ناعم بس يكش بعد الغسيل ويتساقط ..ما يطول الا بعد طلعة روح
قصيته قبل شهرين تقريبا طول اقصر من كتفي بشوي وكان فيني خط يظهر من كثر ما شعري خفيف
اللي سويته جربت طريقة اخت بالمنتدى ما اذكر اسمها بعنوان سر خطير بس له ريحه
وهي عبارة عن ثوم 11 فص ويا بصل وخلطته بالخلاط بس انا زدت عليه زيت سمسم وخليته على شعري 6 ساعات وغسلته طبعا الريحة شهر ما راحت وكل ما غسلته تزيد بس احس انها ثبتت الشعر وخففت تساقطه
سويت خلطة خذتها من منتدى ثاني وضفت عليها : زيت انوب + هيما تاج + زيت خروع + زيت جوز الهند
وكل يومين احطها على شعري ولي غسلته غسلته بسدر مع شامبو للشعر الدهني بعدين احط غسول مغربي واخليه بعدين اغسل شعري بشامبو للشعر الجاف (_ شامبو الحصان )
واحط بلسم الحصان .. على فكرة شعري اغسله بماي باااارد
وبس
اللحين شعري غطى الرقبة ونزل للكتف تقريبا 5 سم
وهاي ماشاء الله تبارك الله انجاز لشعري
الجبهة بدا يطلع فيها شعر صغيرررر ولما استشور شعري الاقي شعيرات صغار طالعة
تقدرين تقولين ان الكثافة زادت نسبيا
والخط اللي في راسي الحمد لله اختفى
عموما من الشغلات اللي احاول اسويها اني اكل جزر وايد ( العصير يمدحونه واحسن بس احس اني من كثر ما شربته انغثيت منه ) عندك السلطات والاشياء الخصراء واللحين في اخت حطت طريقة عصير ( شمندر + تفاحة + جزر ) على الريج سويتها مرة وطعمها زين لو بس تكيسلت اسويها

هاي طريقتي وان شاء الله تمشي وياج وان شاء الله مايجي العرس الا وانتي شعرك واصل الركب :) وادعيلي لان انا بعد عندي عرس شهر ثمانية وودي اكشخ بشعري

فيه بالسعودية زيت ممتاز اسمة زيت جدايل من عبد الصمد القرشي منه نوعين: نوع مغذي للشع و ده لونه زيتي و النوع التاني يطول الشعر فقط و ده لونه احمر اسألي يمكن يكون لعبد الصمد القرشى فرع عندكم في الامارات .

زيت عافية + حلبة

مشكووووووووووووورات على ردودكم

وين الباااااااااااااقييييييييييييييييييييييين ليش مطنشني

سمعت عن زيت العافيه والحلبه زينه