ابي شئ مستحيل

ومن سمعك :(:(:(
قلتي كلام لمس الجرح
سبحان الله الله يرزقك ويرزقنا ويريح بالنا وجميع المسلمين يارب

فيه امــــــــــــل واحد .............


ان الملك يرحمنا شوي ويعطينا من الفلوس اللي فاضت

لان المملكه ارتفعت ميزانيتها

ولا شفنا شئ

كل شئ صار غالي

ليه ؟؟؟

اكيد من البطانه الغير صالحه

اختي نكون منطقيين انتي تبين بيت وبعتقادك ان البيت هو اساس السعدة وش يدريك يمكن الله كاتب ان اذا امتلكتي البيت تفقدين زوجك لا قدر الله او يمرض احد ابناءك الله يبعد عنك الهموم ثقي ان الله اختار الي فيه الخيرة لك ولزوجك ما تدرين وش ربك كاتب لك اذا امتلكتي بيت وش يصير لك الحمدلله على نعمة الصحة والعافية وراحة البال مع الزوج اهم شي ابيك بس تمرين على قسم المشاكل واطلعي على الي فيها تعرفين ان نعمة رب العالمين عليك واسعة كم وحدة عايشة في بيت ملك مو غرفة احيانا تكون قصر بس السعادة ابدا ما ذاقت طعمها ولاذاقت راحت البال والاستقرار الله يكتب الي فيه الخير لي ولك ولجميع المسلمين والمسلمات

انا اول مثلكم ما تتخيلون وشلون كان من سابع المستحيلات يكون عندي شقة لان زوجي تكلف في بيت اهله ورممه علشان نسكن فيه بس يوم تزوجنا قلت اذا طلعنا قالي وين تطلعين ما فيه امل انا متدين فلوس علشان اسكن في البيت تبغيني اطلع منه يعني خلاني مثلكم فاقده الامل بس مع كثر المشاكل في البيت بدى هو يمل وانا كل يوم ادعي ان الله يرزقني بيت في كل وقت وخصوصا صلاة الوتر وكل من قالي وش ادعي لك قلت بالبيت يعني صار هو شغلي الشاغل فجأة بعد اربع سنين زوجي قال خلي اهلك يدورون لنا شقة جنبهم وسكنت وانا كل يوم اقول انا احلم ولا وش السالفة واحمد ربي كل يوم جلست في الشقة سنتين وانا كل يوم ادعي بالملك البيت الحلال وانا وخوان زوجي ينصحونه يشتري بتقسيط لانه بيتقاعد بعد كم سنه وهو ما عنده شي اللين اقتنع وشرينا بيت على انه صراحة حليو وانا متمنيه احلى من كذا اذا صار ملك بس اقنعني زوجي بان كل ماجاء معنا فلوس نغير شي والحمد لله مستورة بس جاني بعد كذا مشكلة ثانية راتب زوجي يخلص ما صار نصف الشهر يعني خلق الانسان في كبد الواحد ما هو مرتاح الا اللين يموت وحتى اذا مات بيتحاسب يعني مخلوقين من هموم وتفكير ومع العلم اني يوم سكنت البيت ما اثثت شي شوي شوي والى الان ما خلص ومليت منه ودي بشقة يعني ما فيه شي بعيد عن الله عليك بصلاة الوتر وتنقي من الادعيه اللي تبين وادعي والله بيستجيب ان شاء الله بس مسألة وقت نصيحه لاني دايم ادعي والحمد لله يستجاب دعائي بس بعد وقت يعني لو بعد سبع سنوات مو مشكلة اهم شي يستجاب معليش قصيت قصة حياتي بس علشان تعرفون انو مو بس انتم اللي عانيتو فيه ناس يعانون بس لله يعين

الله يعين على هالدنيا اخواتي اكثرن من الاستغفار والله انا مجربه اللي انتن فيه لكن مع الاستغفار والدعاء في اشياء كثيره في حياتي بديت المس الامل ولو انه ماتحقق ولكن عندي امل يكون لي بيت وامي لها بيت
الله يجيركم من الضياع والفقر
الله كريم الله كريم