ابي شوربة كويكر/شوفان

بدون لحم أودجاج مالها طعم على العموم ممكن تحطي ماجي بدل اللحم والدجاج عشان يعطيها نكهه وبالنسبة للطريقه عادي تحمسين بصل مفروم بعدين تحطيين الماجي حتى يذوب بعدين عصير طماطم يعني طماطم معصورة وشوية ملح وتخلينها تطبخ شوي بعدين تضيفين الموية وبعدين الشوفان وتحركينها شوي وخليها على نار هادئة لمدة عشرين دقيقة ثم أضيفي شوية كمون ملعقة كبيرة تكفي وبالهناء والعافية
المقادير( تقريبية )
حبة بصل + 2حبة طماطم + حبة ماجي + 6أكواب ماء + 6ملاعق شوفان + كمون

اشلونك اختى أنا طريقتى بالشوربه كويكر
بصله وحده مفرومه حيل واستخدم مكينة الفرم
ثوم مدقوق واحمسهم مع زيت زيتون وأحط عليهم مكعب ماجى وشوى كمون وفلفل أسود او ابيض وبعدين احط طماطه معصوره وأصب عليهم ماى مغلى حسب الكميه اللى تبين لما يغلى أحط عليه الشوفان تقريبا خمس ملاعق وأحركه وآخذ حبه وحده شووربة دجاج ماجى وأحط عليهم وأخليه يطبخ وألاحظ الشوربه علشان ما تفور وآخذ حبه وحده من الشعيريه وأكسرها وأحطها عليهم وأخفف النار وأخليه لين ينضج
وأتأكد اذا احتاج لملح أو فلفل وبالأخير شوى بقدونس مفروم علشان النكهه
ملاحظه اذا تبينه تكون شوى حمره حطى ملعقة معجون طماط

انا اسويها بنفس طريقة الاخوات الي قبلي واضيف احيانا كوسه مبشوره وجزر مبشور واحيانا شوي عدس

ربي يسعدكم و يجزاكم الف الف الف الف الف مليوووووووووون خير

يا احلى بنات في احلــــــــــــــــــــــــى منتدى :)