ابي شوركم الموضوع ضروري ضروري جدا

السلام عليكم
انا متابعة للمنتدي من زمان سجلت عشان ابي شوركم في موضوع محيرني الصراحة .
اول شي اعطيكم نبذة عني .انا سمراء ناعمة وملامحي نوعاً ما جميلة بنت عيلة معروفة بالإلتزام والعلم عمري 26 تقدم لي شاب عمره 33 استاذي وكان مشرف على بحثي بالماجستير و بعد اخوي يعرفه. متدين والكل يمدح اخلاقه لحد هنا كل شي تمام بس المشكلة وانا ما اعتبرها مشكلة بس كلام الناس خلاها تصير مشكلة وكبيرة بعد هو ابييض جدا لدرجة عيونه عسلية وامه اخواتة ما شاءالله جمال وبياض وشعورهم منسدلة وجميلة ماشاء الله وانا سمراء اشوف نفسي جميلة جداً بس الناس لا. يشوفوني مو حلوة وما اسمع منهم مدح ابد ..واخواني واخواتي نصهم بيض ونصهم سمر...المهم الخاطب جاب امه و اخته ليخطبوني كانت تعابير وجهم لا توحي لا بالقبول ولا بالرفض .وبعديها اتصل على ابوي لتحديد موعد الشوفة وتمت عادي وكان مبسوط كانت قبل اسبوع ..اليوم اتصل على ابوي بجي يزورنا قريب ونحدد موعد الملكة ...انا مترددة جداُ وخايفة فرق اللون بينا جدا جدا كبييييير اخاف امه واخواته ما يتقبلون لون عيالي اذا طلعو مثلي ..انا واثقة من نفسي جدا واحب نفسي كما انا بس موضوع الزواج موضوع جدا كبير لازم افكر فيه من كل الزوايا..
واللي زاد تترددي صديقاتي كانوا معي بالجامعة يوم بشرتهم بخطبتي سألوني من الخاطب يوم دروا انصدموا هم يعرفونة من ايام الجامعة.
اعطوني رأيكم بنات هل التكافؤ مهم في الزواج وهل الاختلاف الكبير في اللون يخلي الزواج مو متكافئ .