ابي شوركم يابنات تكفوووووووووووون طلبتكم سالفتي مع خطيبي

يابناااااااااااااااات تكفون ساعدوني :44:

انا دايم اقرأ بهالقسم

انا سالفتي طويله بس بختصرها لكم

انا ملك علي ولد عمي رغم انه في مشاكل طويل بين امي وامه وحتى السلام مايسلمون على بعض

وتعذبت بينهم

احيانا اقول ليتني ماوافقت واحيانا احس اني ابيه

وللأمانه الولد ماصدر منه غير كل شي طيب

لكن مشكلتي

انه دايم يرسلي كلام مع اخواني الصغار او اخوانه

ويرسل سلام وكذا

واليوم قبل لايمشي قال لااخوي الصغير بوس لي راس حبيبه وقلها اني بمشي

مدري وش لقفني وخلاني اتهور

وامسك جوالي واروح ارسله رساله

رغم انه رسالتي كانت جافه شوي

ماكتبت غير تروح وترجع بالسلامه

وبدت رسايل لين قبل شوي

بس كل واحد منا يرسل للثاني وكنه يكلم ابوه او امه مره مره ملتزمين وشديدين

ووسوس علي ابليس وحسيته اخذ عني فكره غلط

وبيقول هذي خفيفه

رحت قلت له انا ارسلت لك جوال عشان مااقدر ارد مع البزران +اخاف اسكت اكثر من كذا

وتضن اني مطنشتك

ويرسلي انه انا عارفك زين وخابرك مايحتاج تبررين لي ومن هالكلام

المهم قلت له اذا وصلت طمني ويوم وصل ارسلي انا وصلت

ارسلت له الحمدلله ع السلامه

يابنات انا متضايقه ومهمومه الحين اخاف يشوفني خفيفه ولا طايره فيه

ولا يقول جريئه ومن هالكلام

مع العلم انه صار لنا سنه مملكين ودايم يرسلي كلام واشياء مع هالبزران واسكت مارد عليه ولو بكلمه

كله عشان مااصير خفيفه

بس مدري وش لقفني وخلاني اخذ الجوال وارسله

:icon33:

تكفون اي وحده تدخل تقولي رائيهآ

الله يسعدكم يارب