ابي شووركم جاني عريس ي بنات حواء

انتي استخيري وماخاب من استخار ,,,,بس ليش يخبي على زوجته الاولى وهو رجال رايه بيده وهو يبي يتزوج بالحلال المفروض مايخبي بس انتي تاكدي منه واسالي عن اخلاقه وعن وضعه مع زوجته ,,,,,حاولي انك ماتستعجلين بالرد عليه خوذي وقتك في الرد اسالي واستخيري وادعي الله كثير باليل والسجود ,,والله يوفقك ويسر امرك ويرزقك بالزوج الصالح ,,,

استخيري واستخيري واستخيري

واذا لك فيه نصيب ربنا كاتبه

يعني الزواج بكون شرعي ولا مسيار لأنه المسيار صار موضة هالأيام

اكيد بينه وبين زوجته مصالح وخايف منها واذا عرفت ممكن تجبره يطلقك والله ما ادري ايش اقولك

اهم شيء انك تكوني مرتاحة واذا ما حسيتي براحة لا تتزوجي انتى سبق لك تجربة واذا صارو ثنتين السنة الناس ما ترحمك لا تستعجلي وفكري زين الزواج حياة كاملة مو لعبة

انتي سألتي وجاوبتي على نفسك
ماخطب من بنات ديرته عشان ماتدري زوجته وقال اخذ البعيده عشان يصير زواج شبه سري لا من شاف ولادرى
ومصير زوجته تدري اليوم او بكرا لكن اذا درت بعد الزواج انتي وش بيكون وضعك ؟

واحد مثل هذا ماله امان بكل سهوله بيطلقك ويشتري بيته وعياله لان لو رجال وقد الثقه وبيتحمل مسؤوليتك كان اعلن زواجه وعطا اهله وزوجته خبر بزواجه وخطب ما يتزوج وبدون ما احد يدري وانتي اعلني من طرفك مثل ماتبين طيب الى متى ؟

ماتبين استقرار وذريه وتروحين وتجين معه مثل ماتبين ؟ ماتبين مبيت وعدل وحقوق كفلها لك الشرع ؟
اذا رضيتي فمعناه انتي تنازلتي عن كل حقوقك ومالك اي حق تطالبينه لا بمبيت ولا عدل ولا عيال ولا ابسط الامور منها تروحين وتجين معه قدام الناس

وان رفضتي شرطه فا انتي عزيتي نفسك وحطيتي لك قدر وبيحسب لك الف حساب وبيصونك اشرطي عليه يا زواج بالعلن وقدام كل الناس واولهم اهلك وزوجتك او ارفضي رفض تام واشتري راحة بالك وكرامتك لاترخصين نفسك مافي شي يحدك تتنازلين عن شي واحد
لان زواج بهالشكل مصيره شي واحد وانتي عارفته لا تجنين على نفسك بطلاق ثاني لا سمح الله

وترى للعلم هو اناني ما يبي يعلن زواجه عشان يعيش براحه بال ويستمتع وينبسط ومتى ما هفت نفسه جاء يزورك
ويريح نفسه من المشاكل ما يبي ارتباط ومسؤوليه بس هذا كله لمتى حطي في بالك بيجي وقت وينتهي كل هذا وتكونين انتي الضحيه

دام مافيها اعلان للزواج من طرفه فما أنصحك نهائي

لانه زواجكم بيكون كأنه مسيار ومتى ما انتهى غرضه أو شكت زوجته طلقك

لا توافقين الا بمعرفتهاا

لانك لو واقفتي كل حقوقك بتضيع

لا مبيت لا سفر كل ماقلتي شي قال زوجتي وزوجتي

بتكونين بالظلام ولو عرفت طلق ومشي

اللي يخاف منها الحين لا تضمنينة

حت اطفال يمكن يمنعك او يتهرب من هالموضوع