ابي شوووركم الله يخليكم محتاره بزوجي

السلام عليكم يا احلى اعضاء

بنات ابغى استشيركم بشغله انا زوجي ما كان يعطيني فلوس واذا شاف معي فلوس جايه من اي احد او انا ماسكتها ياخذها معه ويتصرف بكيفه ويردني بشغلاااات كثيره اقعد اتحسر عليها
هذا بدايه الزواج مدري اللحين تغير ولا لا
المهم جا حافز وكان يقول ماراح يصرفونلك ومن هالكلام كنت اقووول بتشوف وانا بسوي وبفعل وبعطي امي وبشتري ومن هالكلام يضحك يقول ابد ان جا حافز سوي اللي تبين
جا اول شهر قالي جبيها اشتريلك جوال وخذ ذهب من عندي وعدني انه يشترلي بداله بنفس قيمته
ولا شرى علشان يشتري لنفسه جوال مثلي انا ما طلبت منه قلت ماعليه يمكن بحاجة لها وانا ماراح اضغط عليه
جا الشهر الثاني راحت الفلوس وما استفدت منه الثالث شريت لي وبقطع الانفس خاتم وبالف بس والالف الثاني راح ومره ساعدته بفرش البيت ومره مدري ايش ولا يخلين اشتري لحالي او امسكهم
المهم صار يقولي ادخلي جمعيه بالف انا وافقت قلت بمسك فلوسي
علشان بشتري لي طقم مع العلم هو ما يخليني اعطي امي كل ماقلت بعطي امي وكذا يقولي مو اللحين ومره يقول والله امك مو محتاجه منك شي وهي بامس الحاجه ولا قادره اعطيها
جمعيتي باخذها بعد كم اسبوع هو طرح على مشروع حلو مربح بس انا مااضمن انه يعطيني فلوسي بيدي اتصرف فيها زي ما ابي
يقول ادخلي شراكه انا ربع وانتي ربع وصديقه النص على قد راس مال كل واحد فينا
انا متردده قلتله بصراحه انت تنشبلي على الفلوس لو تدري معي طفسه تقولي وش بتشترين بها وين تصرفينها اللين ما تاخذها مني بلحيله
ابي ورقه تضمن كلامك قال استحي على وجهك تقولي هالكلام لزوجك مو غريب
زوجي اوكي بس 24 الف تروح كذا ماني مستفيده منها بشي مع العلم المشروع حوالي 8000 ولي 10000 بصرافه يقولي هذا لك بنسافر فيها وماسكها وانا مدري كيف
ابي شوركم وابي اضمن حقوقي هو يقول اني بعطيك فلوسك بصرافه اذا سافرنا جزء والباقي تذاكر ومصاريف انا ترددت بس بلاخير وافقت
اما فلوس الجمعيه يبي اشاركه انا ابغى اضمن انه اذا جا ربح يمد لي بيدي من غير ما الاحقه او يقولي بسوي فيها كذا وكذا او. يتغير كلامه تكفووون ردوا
على فكره هو قد وعدني انه يخصص لي الف شهريا انا وولدي بس سحب على كلامه