ابي طبق حلوووو حق يوم القريش

شلونج اختي موكا كلنا ننتظر هاليوم المميز

ان شاء الله يعودعلينا وعليكم بالخير

ويجعلنا من المقبولين في الشهر الفضيل

عندي طبق ان شاء الل يعجبج وانا بسويه حق القريش (( اخاف انتي معاي بنفس الدوام

؟؟؟؟؟؟؟؟؟؟؟؟؟؟؟؟

اضحك وياج :42:

شوفي عزيزتي

2 كيس توست ( تقطع الاطراف البنية ويفرد بالشوبك لما تصير ضعيفة )

( قطع خيار مقطعة بالعرض +جرجير + طماطم نصف دائرة ))

وهذي الخلطة اللي تحشين فيها

فلافل حسب الكمية اللي تكفيك يفتت ويوضع في الخلاط + ربع كوب عصير ليمون + ملعقة
صغيرة كمون + كزبرة بودرة +اذا حبيتي فلفل حار

ستصبح مثل المعجون

تأخذ ملعقة مملوءة بالخلطة وتوضع على طبقة التوست وتغطى بالطبقة الثانية وقطعها
بقطاعة دائرية او كاٍ حجمه كبير على شكل دائرة

وتبلل اليد بقليل من الماء وتغط على اطراف التوست حتى تنطبق على بعض

وتكرر العملية حتى ينتهي المقدار

ستصبح مثل الاقراص ثم تقلى بالزيت حتى تتحمر وتصفى من الزيت
وتقطع الي نصفين ونضع الجرجير والطماطم والخيار :cook:

ان شاء الله تحوز على رضاج

اختك
قطوف:27:

السلام عليكم

لازم تتفقون انتي والبنات كل وحده تجيب طبق معين بس بدون تحديد اسم الطبق يعني منو بتجيب الحلا مثلا

او المقبلات او الطبق الرئيسي 00 اذكر العام وحده سوت مجبوس والبنات خلوا كل الاكل الموجود وطاحوا

بالمجبوس مع الدقوس والمعبوج والآجار وغيبوا 000 عموما عندي وصفة حلا اذا تبينها حاضرين وان شاء

الله تعجب زميلاتج 00 وعلى فكره متى ناويين تسوونه؟ الاربعاء او السبت؟


ومبارك عليكم الشهر مقدما00

مشكوره أختي قطوف على الأكله الحلوه بس يوم قلتي لا يكون معاي بالدوام مت من الضحك :42: وان لاشالله بسويها أو قولج راي البنات :27:




اختي قشنكي احنا راح انسوي يوم القريش يوم السبت الياي وابي وصفت الحلو ومشكوره على ردج لي

وانا ان شالله بسوي طريقه قطوف :21:

بنات يوم القريش هو نفسه القريقعان ؟

السلام عليكم

العزيزة غاده : يوم القريش عادة يكون بتسع وعشرين من شعبان والقرقيعان بمنتصف رمضان تقريبا ثلاث

ايام0

اخت موكا هلا فيج وعلى فكره انا احب الموكا طعمها لذيذ 00 والحلا مكون من ثلاث طبقات وراح اكتبها بطريقه

سهله بس اذا فيه شي مو واضح قولي :

1 - الطبقه الاولى : مقاديرها كوب حليب سائل - نص كوب سكر - خمس بيضات - جبن فيلادلفيا - شوية فانيليا

توضع المقادير بالخلاط وتصب في بايركس وندخلها الفرن بحدود عشر دقايق عشان تنتفخ وتتحمر شوي من فوق

ثم توضع بالثلاجه 0

2 - الطبقه الثانيه : 6 حبات جبن كيري - 2 كيس دريم ويب - 2 قيمر
تضرب بالخلاط وتوضع فوق الطبقه الاولى 0

3 - الطبقه الثالثه : توت ازرق الخاص بالفطاير ( Blueberry pie filling) وتحفظ بالثلاجه لحين التقديم0

ماادري اذا مرت عليج بس لذيذه وراح تطلع كميه كبيره تكفي 0