ابي طريقة تشيز كيك لونه موف

التشيز كيك في طرق مختلفه لتحضيره منها بارد بدون فرن ومنها بالفرن



هذي طريقة التشيز كيك بالفرن



اطحني تقريباً علبتين بسكوت شاي او بسكوت دايجستف واضيفي له اصبع زبده سايحه واخلطيه مع البسكويت

ثم رصيه بقاع وجوانب صينية التشيز كيك وحطيه بالثلاجه لغاية ما تحضرين خليط التشيز كيك



المكونات :


3 بيضات

ثلاث ارباع كاس سكر

1 ملعقه صغيره فانيلا

ملعقه صغيره برش قشر ليمون ( اختياري )

تضرب جميع المكونات بالخفاق الكهربائي او اليدوي الى ان يمتزج مع بعض

ثم يضاف له علبة جبن كريمي فيلا ديلفيا او جبنة كيري تقريباً 18 قطعه ويخفق الى ان يمتزج

ثم يضاف له 1 كاس كريمة خفق سائله او علبه قشطه مخففه بنص كاس حليب سايل

بالاضافه الى 1 ملعقه كبيره نشاء ويخفق الى يمتزج ويكون مزيج سائل

اذا حبيتي يكون داخل التشيز لون البلوبيري تقدرين تضيفين له 2 ملعقه كبيره توت ازرق / بلو بيري يكون متوفر معلبات او تقدرين تستخدمين الطازج حسب المتوفر اخلطيه بحركه خفيفه بحيث يصير كأنه عشوائي ومتداخل مع اللون الابيض .

ثم اسكبي الخليط فوق صينية البسكويت وحطيه بصينية فرن واسعه مع مويه ساخنه يعني مثل حمام مائي عشان ما ينحرق ودخليه الفرن تقريباً 40 دقيقه الى ساعه ثم يكون جاهز .

اتركيه يبرد بحرارة الغرفه ثم غطيه بالمربى او معلبات التوت الازرق ثم برديه بالثلاجه على الاقل ساعتين قبل التقديم



------


مثل ماوضحت ان التشيز كيك له طرق كثير ومكونات مختلفه

مثلاً شوفي هذي الطريقه بدون فرن بشرط يضاف له جيلاتين .