قطعي اطراف التوست وادعسيها في صينية الكب كيك
كل حفرة حبة توست وادهنيها طحينية مخففة بموية وليمون وحطي وسطها حشوة دجاج محموس
وبالاخير حطي فوق جبن وقشطة ودخليها الفرن تتحمر
جدددددددا لذيذة

فيه أطرق كثيره بالتوست عندك مثلآ خوذي بريدتين ورقيهم على بعض وقطعيهم دوائر وغطيه ببيض وبقسماط وإقليها واذا تحمرت قطعيهم نص دائره واحشيهم بحشوه دجاج مع جبن او حشوة الكودو مع جبن
او رقي البريده لغاية ماتصير رقيقه مره وحطي بالطرف حشوة دجاج ولفيها رول وقفلي الطرف بجبن سايل وبعد كدا بالبيض وبقسماط واقليها
وفيه بيتزاء بالتوست وفيه وردات التوست وشكلهم روعه وطريقتهم واضحه بقوقل وسهلات
وفيه كنافة التوست او كب كنافة التوست وهذي طريقتها بقوقل ورروعه وكشخه بصراحه

فيه طريقه جديده ولذيذه

تونه
تست
جبن وقشطه

تقطعين حواف التست وترصينه بصينيه
تسوين التونه مكشنه بالبصل ومعجون الطماط وتوزعينه كطبقه على التست
تخلطين ثلاث ملاعق جبن سايل مع علب قشطه وتحطينه طبقه على التونه وبس للفرن من تحت سوي بس ومن فوق تحمير خفيف
وتقطع مربعات يممممممممي

طيب

ممكن تحطين التوست في صينية الكب كيك وتحصينها تونه مخلوطا مع بهارات فلفل اسود ملح فلفل بارد مايونيز ورنش وجبن سائل جزر مبشور ذره مسلوقة جبن شدر مبشور وتحطينهم في الخبز وترشينها بجبنة موزريلا وتخلينها في الفرن من تحت الين تصير شقرا ومن فوق بس شوي تذوب الجبنه

الثانيه توست كامل محمص وتخلطين مع بعض مايونيز رنش صوص الفرنسي صوص جبنة البلو تشيز وتدهنين الخبز فيها بعد التحميص تحطين جبن شرايح بعدين خس مقطع شرايح و شريحة مورتديلا حبش مدخن وشريحة فخذ الديك الرومي المدخن ومورتديلا دجاج فوق بعض بعدين قطع خيار مخلل شرايح وقطعة طماط وحطي اخر طبقه خبز واضغطي عليهم بيدك وقطعيها أنصاف او أرباع وحطي عود أسنان عليها وفوقها زيتونه

جيبي التوست وشيلي الأطراف وحطيها في الطاحونة اذا عندك محضره كويس تسوينها كلها مره وحده افرميها وحطيها في طاسه ذوبي ملعقتين نشاء في كاس مويه وصبي نصفه على الخبز المطحون اذا كان يحتاج زياده زيدي واعجني الين تصير عندك عجينه متماسكه كوريها وافرديها واحشيها أصابع او كببيها وسوي اي حشوه تحبين قفليها زي الكبه وغمسيها في بيض وبقسماط واقليها في زيت كثير ويكون حامي الين تتلون حطيها في شبك وقدميها

التوست بيض وبقسماط لتغطيه حشوه جبن سايل سوي الحشوه الي تحبين أفضل دجاج جيبي التوست وقطعيه اما بقطاعه اذا عندك بس تكون كبيره او كاس بس تكون فتحته كبيره أدهني كل دائره جبن سايل وحطي الحشوه وطبقيها زي الساندوتش الين تخلص الكميه حطيها في بيض وبعدين بقسماط واقليها في زيت كثير الين تتحمر اقلبيها على الجهه الثانيه وأول ما تتحمر طلعيها في شبك وقدميها

نفس التوست بعد ماتقطعينه دوائر تحطين ثنتين فوق بعض فاضيه وتفردينهم بالفراده وتغمسينهم ببيض وبقسماط وتقلينهم بالزيت اول ماتطلع تحطينها في شبك واذا بردت تقصينها نصفين تلقينها من الداخل فاضيه تحشينها بحشوة كودو او ممكن حشوة دجاج

ممكن لما تقصين التوست دوائر تفردين بس حبه بالفراده وتدهنين طرفها بالجبن السائل وتلفينها من الطرف الي تحت زي القمع وتضغطين عليه باصابعك تحمصينهم تدهنينهم بالمايونيز وتحشينها بحشوة دجاج او حشوت لبنه وزعتر وخيار او جبن ابيض وزعتر

خبز توست مقطع دوائر نخلط مع بعض لحم مفروم بصله صغيره مفرومه فص ثوم مهروس ملح فلفل بهارات مشكله بقدونس مفروم ملح ملعقتين بقسماط ملعقة دقيق ملعقتين دبس الرمان حبة طماطم مفرومه تعجن مع بعض وتشكل كور وكل كوره دوائر تبطط باليد وتوضع فوق التوست وتصف في صينيه وتدخل الفرن من فوق وتحت حتى تتماسك ويستوي اللحم وتقدم

التوست دوائر صوص البيتزا وجبن موزريلا ونقانق مقطعه شرايح وفلفل بارد شرايح وزيتون فطر شرايح شرايح تدهن بالصلصة وتوضع النقانق والفلفل والفطر والزيتون وتزين بالجبن وتدخل الفرن من تحت حتى تحمر