ابي طريقة دونات مثل الجاهزه

خليط الكيك الابيض بلفنيلا وحطي معه كاس طحين كويتي مع نص كاس بطاطس مسلوقه اعجنيها قاسيه وخليها تخمر طبعا مع الزيت والبيض الي ع الكرتون وتعاملي معاها زي الدونات وخليها تخمر ساعه زياده بعد ماتشكلينها واقليها وبلعافيه اهم شي تكون سميكه العجينه مو زي البسكوت

اتذكر من فتره سويت دونات وحطيت معه خليط الكيك الجاهز ومع القلي يتشرب زيت وينتفخ كثير ويتفتت بوسط الزيت ويخرب مايصير مثل الدونات
والسبب ان كمية خليط الكيك حطيت اكثر من الطحين ومعروف الكيك معاه مواد تنفش وتضاعف الكيك وتخليه مثل الاسفنج وماينفع بالقلي ، بس حبيت انبهك لهذي النقطه اذا بتجربين طريقة خليط الكيك الجاهز جربي كميه بسيطه عشان ماترمين النعمه .



دونات بطريقة خليط الكيك :

1 كاس من بودرة خليط الكيك الابيض بالفانيلا

2 كاس طحين ابيض

2 ملعقه كبيره حليب بودره

1 ملعقه صغيره بيكنج باودر

1 ملعقه كبيره خميره

1 ملعقه صغيرة فانيلا

رشة ملح

2 بيض

بياله او فنجان زيت نباتي

1 كاس ماء دافي للعجن اقل او اكثر حسب الحاجه .

الطريقه :

اخلطي الخميره بالمويه الدافيه مع ملعقه كبيره سكر واتركيه دقايق على جنب

اخلطي المواد الجافه مع بعض الكيك والطحين والحليب والبيكنج باودر والملح واتركيه على جنب

اخفقي البيض مع الفانيلا الى ان يتغير لونه ثم اضيفي له الزيت والمويه بالخميره واخفقيها

ثم اضيفي له المواد الجافه واعجنيه واذا احتاج مويه اضيفي له زياده بحيث تكون العجينه متماسكه وغير قاسيه

اتركيها تختمر ساعه ثم اافرديها وقطعيها بسماكة 1 سم تقريبا واتركيها تختمر مره ثانيه على الاقل ربع ساعه ثم اقليها بزيت غزير على نار متوسطه او اقل من المتوسطه بشوي .


.........


دونات طريقه ثانيه :


1 كاس حليب دافي مضاف له ملعقه كبيره سكر يترك على جنب دقائق

ثم بزبدية كبيره للعجن اضيفي

3 كاسات طحين ابيض

2 ملعقه صغيره بيكنج باودر

رشة ملح ورشة فانيلا

2 ملعقه كبيره حليب باودر

1 ملعقه كبيره سكر

تخلط جميع المقادير مع بعض واعملي حفره بالوسط ثم اضيفي له

2 بيض مخفوق + 2 ملعقه كبيره ونص زبده بحرارة الغرفه اعجنيه بملعقة خشب عجن خفيف ثم اضيفي له كاس الحليب المذاب فيه الخميره واعجنيه

ممكن تحتاجين تضيفين ربع او نص كاس طحين زياده لكن انتبهي لا تكثرين لان العجينه يفترض تكون لينه اتركيها تختمر ساعه ثم افرديها وقطعيها واتركيها تختمر ربع ساعه بعد التقطيع ثم اقليها على نار متوسطه او اقل من المتوسطه بشوي .


------


بالنسبه للتغطيه بالشوكلاته تقدرين تذوبين الشوكلاته بحمام مائي ثم تغلفين الدونات فيها وترفعينها بشوكه عشان ينزل الزايد وحطيها على ورق زبده او قصدير

او سخني الكريمه السايله الخاصه بالطبخ او الحلويات بدون غليان يادوب تسخين عشان يذوب الشوكلاته تقريبا نص كاس حسب الكميه اللي تحتاجين ثم اضيفي له قطع الشوكلاته وحركيه الى ان يذوب ثم استخدميه في تغطية الدونات

رفع

انا ماعجبني مثل عجينه البطاطس لدونات والسينبون مجنونه