أهلا عزيزاتي اشراقة وتمر حنة ..
http://www.tedll.com/upload/uploading/eshraga1.jpg

اولا تفتحين عمل جديد بقياس 500 في 380 بكسل ..
وتلونينه رمادي بحسب موضوع تصميمك طبعا ..

http://www.tedll.com/upload/uploading/eshraga2.jpg

ثانيا تختارين أداة التحديد المربعة وترسمين بها مستطيل ..

http://www.tedll.com/upload/uploading/eshraga3.jpg

ثالثا اتعبينها باللون الأبيض بواسطة الدلو ..

http://www.tedll.com/upload/uploading/eshraga4.jpg

رابعا تحضرين الصورة التي ترغبينها وتضعينها داخل المستطيل الابيض وبواسطة (( فري ترانسفورم )) تقومين بالتحكم بالصورة طولا وعرضا وتراعين ترك مساحات بسيطة على الاجناب وفوق ومساحة أكبر قليلا في الأسفل ..

أتمنى يكون شرحي واضح لإشراقة وتمر حنة ..

السلام عليكم

يسلموا اختي

الله يعطيكِ العافية

بارك الله فيكِ

وجزاكِ كل خير :)

يعطيك العافيه على الشرح
بس واجهتني مشكلتين

الأولى ان بعد ما فصلت الصور عن طريق Extact
لاحظت على الصوره انها غير مستقيمة الحدود

المشكله الثانيه ما عرفت شلون الوّن :(
يعني ابي اسهل طريقه في تحديد التلوين
وطريقة الباث ماعرفت شلون
معليش تعبتك معي بس
تحملي وحده عليمية فوتوشوب

هلا والله اشراااقة ..

بالنسبة للباث ..

انتي تبين تلونين القميص مثلا (( قميص الولد )) تضغطين على الباث وتروحين يم القميص تبدئين من نقطة معينة من كتفه الأيمن مثلا .. تضغطين على الباث ليبدأ معك .. تمشين شوي وتضغطين بتلاقين انه كون خط بين الضغطتين .. تمشين شوي شوي بحسب التعرجات يعني اذا في تعرجات راح يكون الضغط بعد مسافات اقل حتى تحافظين على تحديد دقيق .. وتمشين بشكل متواصل مع حدود القميص لحد ماتنتهين عند نفس النقطة الي بديتي منها وهي الكتف الأيمن .. لما توصلين عند هالنقطة بالضبط بالضبط راح تضغطين وبتلاحظين ان القميص تحدد ..

اتمنى يكون واضح لاني حاولت اسهل الموضوع قد ما اقدر..

عادي حبيبتي
وفعلا التصميم عجبني وكنت اتمنى اني مااحذفه لكن زين سويتي لما نزلتيه مره ثانيه بدون ايميل :)