ابي طريقه اطول شعري في شهرين قبل------------------

والله انا مثلج عرسي قرب وابا اطول شعري ...

مافي فايدة

نصيحه استمري على شي وااحد لاتمين تغيرين لأن التغير يخرب الشعر..

اذا تبغينه يطول بسرعه من تجربتي زيت دابر املا اذا تستحملين ريحته جربيه 3 مرات فالاسبوع لمدة ساعتين..يطول في خلال اسبوعين..

واذا ماتستحملين الريحه جربي زيت جوز الهند باراشوت اللي للأكل بعد ثلاث مرات فالاسبوع بس لازم وانتي تحطينه تسوين مساج لشعرج عشن يمتصه زين..وعموما المساج يطول الشعر

ولاتغيرين الشامبو واايد استمري عليه فتره عالاقل شهر شهرين وعقب غيري..
ومن تجربتي شامبو جارنير للشعر العادي واايد حلو هو والبلسم خصوصا اذا بتستخدمين
زيت دابر املا عشن يخوز ريحته..

ودايما اقري على شعرج وسمي عليه وامسحيه وقولي اللهم زده طولا ونعومه

صحيح أن زيت دابر يطول الشعر بس بمجرد ما تتركينه يحت الشعر بشكل مو طبيعي وفي خلطة الزيوت السبعه ناس كثير جربوها ويقولون تطول الشعر للأمانة انا ماأستخدمتها بس مفكره أستخدمها والزيوت هي:
1/زيت السمسم
2/زيت جوز الهند
3/زيت البصل
4/زيت الثوم
5/زيت الجرجير
6/زيت الخروع
7/أي زيت أنت تحبين تحطينه معهم
وتلقينه عند العطار بس انتبهي وخليه يخلطه قدامك بنسب متساويه من علب القزاز الكبيره اللي عنده وأتمنى انها تفيدكم :)

شكراااااااااااااااااااماقصرتوا جزاكم الله خييييييييييييييييييييييييييييييييييييييييييييييير

الحنا ثم الحنا بس لاتفكرين تصبغين معه ابداااا