الحل لازم تورينهم انك تقوينهم وتقدرين تكسرين روسهم ياحرمان قوي قوي عيالك ماهم خايفين منك وعارفين انك ماتقدرين تسوين لهم شي خلك رسميه معهم مرررره بقوة خليهم يتادبون ويضيقون انهم سوو بك هالسواه اختي عيالها مثلك وضربتهم ضربتهم ضرب تادبو صح

وانا بعد ابي طريقه ادب فيها خواتي وشغالتهم واللي معهم
لانهم هم قلييين تربيه

حبيبتي الدعاء والاستغفار اول شئ ثانيآ اطفال الزمن يختلفون عن اطفال زمان الضرب ممنوع حلو طريقتك التحفيز بالكلام وليس بالهدايا سرد القصص بطريقة غير مباشرة

واضح انك من لما كانوا صغار م تعبتي ب تربيتهم و تعديل سلوكياتهم
الان عشان تغيرين الطبع اللي هم تتطبعوا فيه لازم تتعبين و تطولين بالك شوي
خذيهم ب اسلوب و مسايره
اول حاجه الضرب ممنوع الا ب الاغلاط الكبيره جججداً
ثاني شي امشي معاهم ب اسلوب الحرمان و الهدايا
سوي لهم جدول وثبتيه على جدار غرفتهم اكتبي فيه كل السلوكيات اللي تبين تعدلينها
مثلاً الاحترام الوالدين / تفريش الاسنان اول م يصحون و قبل النوم / ترتيب سريرهم و اغراضهم الخاصه / الالفاظ اللي مو زينه / احترام الضيوف / المشاغبه / كل شي تبغينه يتغير فيهم اكتبيه
و سوي جدول فيه السلوكيات و ايام الاسبوع ، من السبت للخميس و مثلاً اللي يرتب اغراضه حطي عنده صح و اللي م يحترم وقال كلمه وسخه خلال اليوم حطي عنده خطأ
و هكذا
و يوم الجمعه احسبي النقاط و قولي لهم اللي نقاطه اكثر راح ياخذ هديه و خلي الهدايا رمزيه مثلاً يروح السوبرماركت او تاخذي له لعبه بسيطه من ابو ريالين او تعطيه مبلغ بسيط يعني اشياء رمزيه بس ك تحفيز
بس اهمم شي تكوني حازمه اللي مايجمع نقاط اكثر لا تعطيه شي حتى لو يبكي و يزعل لا ترضخين له ولا ترحميه فهميه انه اذا تعدل اسلوبه ياخذ هديه
و ان شاء الله يتعدلون

حبيبتي حبيهم واشبعيهم حنان وعند النوم اقرئي عليهم الورد ووجهيهم بدون ضرب وصراخ وسولفي معهم وقربيهم منك ونظمي اوقات اكلهم ونومهم وان شاء الله يتعدلون