فواكه مشكله هو ما يعرف اخوي .. اخوي عرفه لانه درس معي وكنت احكي لاخوي اني اخذ اوراق منه يعني يعرفون بعض بالاسم والتعامل معه كان ضروري بحكم انا كنا نشتغل بقروب واحد 
شمع دانه 
انا ما همني يتسنع ولا لا لكن حسيته متهاون في اخوي وانا اقول بقوله وهو ولا علي باله ونفس الشي ما هميته فعشان كذا نرفزني .... وصديقاتي يزنون علي اقول لزوجته يقولون حرام تعيش مع شخص كذا لكن انا احس مالي صلاح ابدا المهم شكرا لكم جميعا ربي يسعدكم 

صح كلام البنات ياعسل

ماعليك منه أهم شي دراستك ولا عليك من بأدبه ومدري شو كثير من البنات قالوها وبعدين لف الشيطان راسهم الله لايجعلك منهم

عطيه بلوك ولاتتعاملي معاه وكأنه ماصار بينكم شي

دام تقدرين تطنشين كويس طنشيه بيطفش ويمل
وايميلك غيريه اذا تقدرين
او بلوك وريحي راسك

ههههههههههههههه ذكرتيني بموقف حصل معي

انا فاهمتك وفاهمه انتي ليش تواصلتي معاه لانه حصلي موقف مشابه انا حاليا ادرس لغه ولسه ماخلصت المهم درست مع واحد مستوى كامل وكان جدا محترم مالي علاقه فيه نهائي وبعدها نجحنا وطلعنا المستوى الي بعده ونفس الشي ما لاحظت عليه شي غير انه كنت احس نظراته مالها داعي بس طنشت وطبعا هو متزوج وكبير وعاقل أكبر واحد في الكلاس فوق 30 يعني ع قولتك تشوفيه تقولي عاقل مو زي البقيه اعمارعم في منتصف العشرين والاغلب مو متزوجين المهم قبل نهايه المستوى قالي أبغاك في شي ضروري وانا كانت علاقتي معاه في الضروره ان احتجت شي والاغلب اسال الصينيات المهم انا ع نيتي خفت أحسب في حرمته شي
لانه قالي ماقدر اقول لاحد الا انتي ماقدر اعلم الشباب وهو ماقد كلمني قلت أكيد الرجال صادق قلت أوك تفضل قالي لا برسلك واتس وانا من غبائي قلت طيب مادري ليه رحمته وصدقته المهم ارسلي هلا وانا قلت تفضل علمني مشكلتك قالي الصدق معجب من أول
قلت معليش حسبت عندك شي مهم والا ماكان كلمتك اعتبرتك اخ لا أكثر قال وانا كمان احترمك قلت مع السلامه واعطيته بلوك وريحت راسي واذا شفته في المعهد ماكاني أشوف احد

يعني مالك الا بلووك وترا حتى هذا كم مره شاف زوجي ياخذني من المعهد الي قاهرني ولا واحد قد تجرا وكلمني رغم في كثير معاي من قبله اش معنا هذا وهو الكبير الي كنت أشوفه هو العاقل منجد العقل مو بالعمر ولا بالشكل ...

يعني اختي عطيه بلوك وريحي نفسك ولا تجيبي لنفسك المشاكل هذا احسن حل للناس هذه

ماشاء الله على عقلك ورزانتك
اهنيك صراحه على رقيك وترفعك عن التعاطي معه باي علاقه شخصيه, ونعم التربيه

وانتبهي تحاولين تأدبينه على كلامك. لا انتي وصيه عليه ولا انتي زوجته, ومو كل من قابلناه نقدر نأثر فيه, البشر مو واحد, واللي مو متربي مانقدر احنا نربيه بكلمتين والا بموقف.

وهو ترا بيزيد كل ماشاف صدودك. المهم ابي اوصيك انك ماتلينين ويلعب عليك الشيطان كونك بغربه ويقولك انك محتاجه اهتمام ومن هالخرابيط.

ركزي ع درساتك وهدفك من وجودك هناك.
ربي يوفقك ويستر عليك ويحميك منه