ابي عجينه تنقلي واحشيها باللي ابي

الطريقه الي تكلمتي عنها تصلح لها عجينة الفطاير العاديه

وكل يوم سوي فطاير بس غيري في شكلها ونوع الحشو داخلها

وسوي شوربة حب او جريش تراها سهله مره وبعد البف سهل

شوفي اطباقي <<شوربه الحب+البف>> راح تساعدك كثير

ان شاء الله اكون افدك ورمضان مبارك عليك

اختي فية طبق سهل وخفيف خصوصا للي مايبي قلي وهو :
جيبي خبز عادي وافتحية من النص بحيث يتكون عندك طبقتين متفرقة وخفيفة خذي كل وحدة لحال جيبي الاولى واحشيها دجاج محموس مخلوط معة مايونيز او خلطة بيضا (مايونيز وجبن وقشطة وشوية ثوم9على رغبتك المهم احشي كل طبقة من الخبز بالحشوة ولفيها كانها سندوتش واقطعيها قطع متساوية كانها سندويتشات صغار وكل وحدها لفيها بقصدير ولفي اطراف القصدير زي اللاوة واذا جا وقت الفطور سخنيها بالفرن مو الميكرويف مايصلح وبعدين سوي سمبوسة وحطيها بالفريزر السمبوسة المثلثة اسرع من العجينة ويوم سوي عجينة وربي يعينك.

منى الدلوعه

ياقلبي ماقصرتي كفيتي ووفيتي وانا بشوف طبخاتك ياعسوووله
عسى ربي يحقق امانيك ويوفقك ويتقبل صيامك ويقويك ..

كوكو نانا حبيبتي

اشكرك على كل حرف كتبتيه وعسى ربي يتقبل منك
ويحقق رغباتك ويعينك ... انا بحاول اسوي اللي قلتي عليه

حنا نسوي الخبز الصغار نشق شوي منه ونحشية همبرغر وجبن وخيار
واحيان فلافل وجبن او مايونيز وخيار وطماط

بسوي كل اللي قلتوه ام شاء الله والله يعيننا كلنا
ويبيض وجوهنا ... والله رمضان حلووو

بس احب اني اكثر حلا خلال رمضان بس للأسف يبيلي اطبخ ثقيل وخفيف والحلا بسوية بالليل

مشكوورات حبيباتي اموااااااااااااااه لكل وحده فيكم
عسى ربي يستجيب كل دعواتكم

مرحبا عزيزتي .....كل وانتي والجميع *****الله بخير
اختي عندك طريقة فم السمكه حييل حلووه
المقااادير:
2 كاس طحين ابيض انا استخدمت الكويتي
ربع كاس زيت.....ملعقه كبيره خميره فوريه.....ملعقه كبيره سكر...ذرة ملح
اربع ملاعق حليب بودره.....بيضتين....ماء للعجن
الطريقه:
في زبديه نحط(الطحين والخميره والحليب و السكر والملح )وتقلب بالملعقه ثم نعمل
حفره بالوسط ونضع في جميع السوائل
وتعجن جيدا وتترك لتتخمر ساعه
ثم نفردها بالنشابه وتقطع دوائر انا اقطعها بالكاس يصير حجمها حلووو ثم تقلى...
بعد قليها تفتح من جهه وحده وتحشى باللي تبينه
(دجااج+بطاطس مقلى+خس) او (خس +جبن+ماايونيز) والخير لك مفتوووح بالحشوه

واذا عندك اي استفسار من عيوني امري وانا حاااضر بس ارسليلي عالخاااص
عشااان اضمن لك ردي

وفيه حبيبتي عجينة العشر دقايق تحشينها جبن كيري وتكورينها بيدك وتقلينها وصبي عليها شيره والا عسل اخر شي
تصير زي اللقيمات بس محشيه ...

وبالف عااافيه