شهد الذكرى :

هلا اختي ام انس البنات ما قصروا رشحوا لك عطوراتهم اللي يفضلونها بس العطورات أذواق وتختلف من انسان لآخر ولكن اكيد انو الافضل حسب اللي تحبينه .. عشان كذا انصحك تحددين مواصفات العطر اللي يعجبك مثلا : رائحته على بودر او نظافة او زهور أو فواكه او توابل شرقي او غربي بارد او قوي خفيف او مركز للصباح او للسهرة وحتى لو اخترتي مثلا الزهور او الفواكه حددي نوعية الزهرة مثلا ياسمين او روز .. الفواكه ليمون او جح .. التوابل مسك او عنبر وهكذا وروحي لمحل وجوه او اريج او سيفورا ... وقولي للبائع ابي عطر مواصفاته كذا وكذا وهو بيساعدك البنات ذكروا عطور حلوة مثل الين وستيلا وسنما وغيرهم بس قديمة وتكرهينها من كثر ما تشمينها على الناس وما تعطيك اي شعور بالتميز لانها منتشرة انا بنصحك بـ عطرين اللي ميزهم عندي ( عدم الانتشار + الرائحة الجميلة = التميز والتألق والثقة ) العطر الاول من جيرلان سعر الكبير 670 ريال والصغير 435 ريال بس الكل بيسالك عنه رائحته مركزة وقوية وباردة وجميلة جدااا والصراحة ما قدرت اعرف مكوناته بس صراحة بطل شريت واحد وخلص ورجعت شريته مرة ثانية بالرغم من انه غالي بس يستاهل وهذي صورته العطر الثاني فيما لو كنتي تحبين العطور الشرقية اللي فيها نسبة عود او بخور ارشح لك عطر حصري من سيفورا ولا يتوفر عند غيرهم سعره 550 ريال بس يستاهل رايحته بخور على بودرة للاسف ما عندي صورة له بس انتي اذا رحتي هناك اطلبي تشوفين الحصريات عندهم و بوصف لك شكله مستطيل حجمه كبير علبته مو زجاج شفاف لا عليه تلبيسه لونها ذهبي ومرسوم عليه نجوم وقمر باللون الاسود وبخط رفيع وبعضها مفرغ وتشوفين منه زجاجة العطر ولونه اتمنى اكون افدتك وموفقة يا الغلا

هلا اختي ام انس البنات ما قصروا رشحوا لك عطوراتهم اللي يفضلونها بس العطورات أذواق وتختلف من...