ابي علاج للاسهال

السلام عليكم ورحمة الله وبركاته
عزيزاتي أنا عضوة جديدة في المنتدى
سبق كنت اقرأ في عالم حواء من غير تسجيل
وسجلت عشان الموضوع هذا
عندي استفسارين واعذروني اذا الخط صغير ماني عارفه اكبره


:
١/ اولا انا طفلي عمره ٧ شهور الله يحفظه ويحفظ ذريات المسلمين والمسلمات ، وانتم بكرامه برازه طري مثل الاسهال منذ ولادته لكن المرات قليل يعني الغالب مرتين في اليوم واحيانا يمر يوم مايسوي شيء ، ومثل مانتن عارفات ان الدكاتره يعتبرونه طبيعي دام انه ماتعدى ٤ مرات في اليوم او اكثر . لكن انا مضايقن من ناحية التغسيل لانه احيانا يخرج برا واضطر اني اروشه هذا غير الملابس اللي يحوسه .
والآن مع التسنين صار مثل الماء على طول يخرج برا حتى لو كميته قليله
لكن من مره في اليوم الى مرتين وايضاً اقوم بترويشه لانه يصير طالع على جسمه وملابسه ومحتاس
فهل فيه علاج ؟ وللعلم قاعده اوكله هاليومين رز لعله يمسك بطنه شوي .
وهل خلطة التسنين اللي فيها محلب وكمون ومره وسكرة نبات تنفع للاسهال او فقط تخفف الالم .؟
٢/ ثانياً : ابي اعرف كيف طريقتكم في تغسيل الطفل الرضيع
انا اذا جيت اغير له احط ( شرشف وفوقه بساط التغيير والقطن والمناديل والحفاظ وسطل الماء والزباله والبس قفاز )
احس حوستي كثيره خصوصا اذا صرت عند الناس ماادري فيه طريقه ثانيه اولا ؟