ابي علاج للكــذب

اختي كذااااااااااااااااااااااابه


تكــذب بإحتــراف واذا اخذنا وعطينا معها عشان تقول الصدق تتولد الكذبه عندها يعني مافي مشكله من كــذبه لكــذبه ومراوغــه لأبعــد الحـدود
والسالفه تجي محبووووكـــه مع الدمــوع

وتبكي وتحلف وتجيب فلان وعلان عشان يشهد لها واهي كذااااااااااااااااااااااااااااااابه وظلااااامه

اذا جلسنا نسولف بأي شخص لازم تدخل بالموضوع وتسمعنا صوتها بكــذبه اقصد ظلــم لو مجرد ضحك

وفيها فرط حركه مو طبيعي واهي حبوبه واللي يهاوشها او حتى يضربها عادي عندها بعد شوي تضحك وتسولف معاه



بس ياأخــواتي كذب موووو طبيعي قسم بالله مرض مو كـــذب!!!!!

شئ يفشل هذا من غير اذا طلعنا لاي احـــد 100 تحذير نحذرها والمشكله بالسفريات لعمامي او خوالي اووووووووه انواع الكذب انها بتكون هاديه وساكته واللحين امي حرررررررمت السفر خلاااااص مافي سفر مع خواتي تقول لو بسافر اللحالي !


والصـــدمه ان عمرها 13 توها رايحه لأول متوسط !!!



حاولنــا بكـل الطرق انها تترك الكذب ماقـدرنا كلام لحد مانشفت حلوقنا وضرب وحرمان واللحين طفففففح الكيل

وقبل دقايق اقترحت على امي توديها مركز مطمئنه عند دكتور طارق الحبيب ......

بقولكم اخر كذبه كذبتها قبل شـــوي....




*****هــــــــــــــــــــــذا التعديل


اختي عمرها 20 بتروح صلاة القيــام مع بنت جيراننا اللي اهي بنت عمتي>>طبعا بيروحون كعابي لأن المسجد قريب
وامي قالت لها خذي خواتك وماراحت معها الا روان >>>اللي تكذب (الاسم مو صحيح)

طبعا امي ررررفضت انها تروح وقامت تبكي وراحت لحقت اختي

راحن لبيت عمتي بجنبنا ينتظرون بنتهم الكبيره تلبس عشان تروح مع خواتي

قامت اختي رجعت روان قالت ارجعي للبيت تقول اعرفها ماتصلي وتفضحني بالحريم

جت دقت الباب وفتحت لها انا قلت وش تبين قالت بس كذا قلت وين فلانه قالت تنظر بنتهم تلبس قلت لها
انقلعي>>>> الصحيح طلعت اختي واصله المسجد اهي وبنتهم وهذي تمشى بين بيتنا وبيت عمتي

وضغطت على عمتي انها توديها للمسجد بتلحق اختي قامت عمتي خلت ولدها عمره12 يوديها المسجد
وجلست تنتظر ولد عمتي يكوي ثوبه واهي مسنتره عندهم تخيلوا

طبعا اللي فضحها عمتي دقت على امي تتشكرها ع السحور وقالت روان توها راحت من عندها ودها ولدي


اختي تقول لما شفت روان داخله المسجد انصصصصصصدمت قلت يمكن جت مع امي او معك وبعدين تقول مسكتها وقلت من قالك تجين قالت انا رجعت البيت وامي هزأتني قالت الا تروحين غصب عنك للمسجد واصلا امي وعمتي لبسوا عباياتهم وطلعوا!!!!!!!! >>كذبت على امي!!!

والمشكله ماصلت الا ركعتين وجلست تناظر ع الناس ولما قالت لنا اختي الكلام هذا قلت موصحيح كذب طبعا بنففففففففخ قالت صليت 3ركعات وبعدها جلست لاني تعبت؟!!


امــــانه قولو لي في حــل


ولما رجعت قلت لها انا لما دقيتي الباب ماقلتي لي ان فلانه تتنتظر بنت عمتي قالت لا والله قلت لك ان ولدهم يكوي ثوبه بيوديني!!!!

طبعا انا متعوده على كذبها وكنت متوقعه وناقشتها بصراااااااااخ قلت ماجبتي لي طاري ولدهم ولو ادري انك تنتظرينه جريتك من طرحتك ودخلتك

واختي تناقشها بكذبتها لما قالت امي وعمتي بيروحن ترد بصرااااااخ ومتفاجئه عيونها طالعه انا ماقلت كذا قالت اجل وش قلتي تقول قلت يبون يروحون !!!!!!

يعني شوفوا صراااخ ودموع بعيونها وبالأخير (((يبون))) هالكلمــه فرقت معها

امي تسألها تقول متى رحنا انا وعمتك وعمري طلعت قبل السحور؟؟؟ تناظر لأمي ولا كأنها مسويه شئ عااااااااااااااااااادي وماسكه الباب بتطلع يعني كأنها تقول متى تخلصون !!

بنات اختي عجيييييييييييبه اذا بتذبحين احد اتركيها عنده تفضح وتكذب ومشفوحه ولا تقدر الكلمه اللي تطلعها وتتشمت شماته ماهي طبيعيه وكل احد تتشمت عليه الله يبلاها بسررررعه مثله ولا تتوب

عندي اخت اكبر منها بسنه بالضضضبط فرررررررررررررق عنها بسم الله عليها صحيح ملسونه هههههههه بس خفيفه ع القلب

وربي لما كانوا بالابتدائيه تجي تبكي عند امي تقول فضحتني بالمدرسه كأنها مجنونه واكبر كذابه تظلم البنات وتضربهم وتقلب السالفه عليهم

واللحين تصيح تقول ماابيها بمدرستي المتوسطه >>طبعا احنا نسكتها ونقول هذي اختك واحنا بقلوبنا نقول الله يعينك

واذا جتنا اختي المتزوجه تنام عندنا تصحى من الفجر وتصحي عيالها وتاااخذهم وتسوي مصيبه ياتروح للقطاوه اللي ورا البيت وغبار وتراب وعيال اختي فيهم ازمة ربو ومااااااتفهم

او تروح المطبخ تحووووسه تقولين منفجره فيه قنبله وبالأخير تحطها بظهر عيال اختي وتعطينا ظهرها وتمشي
ولا كأنها مسويه شئ

والمصيبه انها خوافه تخاف مني ومن اخوي
ومن امي اذا عصبت بسسسسس واذا امي هزأتها بشويش تقول خلااااص مااعودها وتترك امي تتكلم وترووح...

و ربي وحـــده من خواتي ساكنه برا الرياض تقول لو بغيت اجيكم اتذكر روان وابطــل اجيكم!

وربي اللي رفع السماء ونزل الارض ان هذي السوالف نقطه ببحــر


ونعلمها ونقولها ان الكذب حرام واختي قرت عليها الحديث عن عذاب الكذاب يوم القيامه وتسوي نفسها خااايفه وانواع التمثيل والرعب وكأنك يازيد ماغزيت




خـــواتي اللي تقول صغيره او مراهقه مااتــوقــع ياعالم تكذب كذب متقن وبإحتراف تلف وتدور لما يطفش اللي يناقشها ويتركها واهو ماأخـذ من كلامها اي شئ مفهوم
احسها ذكيه مع خبله

واللي تقول تخيل لاااااااااااااااااااااااااااااااا اي تخيل لو حشرتها حشرررر علمت الصحيح واعترفت بس وين ماتعترف لمااا اموت ويروح صوتي وخلااص انهار منها


واللي تقول علموها مدامها صغيره اقولكم جربنا كلللللللللللللللللللل الطرق والله كل الطرق ذاك اليوم اخوي حبسها مع اختي بغرفتهم >>>طبعا اختي معها عشان سبب تافه بس قال بحبسهم مع بعض
واهي محبوسه عشان كذبها وربي اخوي هذا ضربها مانفع قال بحبسها وحبسهم يومين ولانفع بالعكس انبسطت مآآآآآآآآآآآآآآآآآآآآآره تاكل وتشرب وتستهبل!!

امي تقول لو بتتزوج والله الا ترجع لي مطلقه من كذذبها وظلمها

وترا اختي الكبيره تقول لما كنت صغيره اكذب بس لما كبرت عقلت وكان كذبها سطحي

وحتى انا مثلها خخخخخ بس كان خفيف والحمدلله تركته لما كبرت وكان كذب اطفال

اماروان كذبها ملحوووووووووظ اللي كل عارف انها كذاابه


عــاد اليوم قلت لامي مافي الا دكتور نفسي لان الكذب كل يوم يززززيد

وش رايكم نوديهل لمركز نفسي؟؟؟؟؟؟؟؟؟؟؟؟؟؟؟؟


الله يصلحها من كل قلبي اقولهااااا تكفووون ادعوا لها