ابي فزعتكم يابنات حواء حجزت للعرس و لا ادري وش اسوي بعدين

ايه يبيلك من الي عند الي بتقدمينه ايش تجيبينه من برا وتوفرينه والطاولات تبين اغراض الفندق او انك تحجزين من مكان ثاني علي ذوقك وحركات الطاولات والكوشه والعصائر كيف راح تكون والعشاء ويامالك الله يوفق ولدك يااااااااااااااااااااااارب

الله يعينك على الحوسه ..
الحين عليك تختارين الكوشه وايش راح يكون على الطاولات اما تتفقين مع المنظم يرتب لك الموضوع او انك تروحين محلات الكوش وتتفقين معهم .. بعدها عندك حلى القهوه والموالح اللي على الطاولات والعصيرات .. والعشاء كيف راح يكون وهل بتقدمين بعده توزيعات ولا لا ..
اذا فيه زفه احرصي على ان يوفرون لك الاضاءة واما انك تختارين الزفه او تتركين العروس هي تختارها ..

اختي حلم الحراير خلينا حبه حبه

بالنسبة للطاولات و الكراسي ايش اسوي انا شفت طاولات حق 8 اشخاص و طاولات 10 اشخاص و الكراسي مخمل ماعجبتني ايش المطلوب فيهم

اوراق الزمن الله يعطيك العافيه وش ممكن يسوون لي بالنسبة للطاولات تنسيقها و ضيافتها

1- البطاقات
2- صياني الحلى والفطاير
3- تسألين عن الصبابات هل عددهم كافي والافضل انك تحضرين فيه يوم وتحكمين
4- الطقاقه
5- طاوله ما بعد العشاء
6- الكوشه اذ كانت عليك
7- اذ كنتي بتحطين ركن شعبي او صيني او هندي اتفقي مع احد المختصات بهالاشياء
8- العصير اسالي اذ العصير على الفندق ولا انتي وفريه ..
9- تاكدي من عدد الكراسي لا يزيد عن عدد الحضور ترا مشكله في الفنادق لانك لازم تعزمين على العدد مو زي القاعات
10- البخور لا تنسيه وسلامتك :)
هذا الي في بالي الله يوفقه