ابي فساتين حلوه بالرياض قبل السبت الجاي

والله كان ودي افيدك لكن ماعندي خلفيه



فوق لعيونك ^^

الاسواق الرخيصه الموسى والرياض مول
اما الحياة مول نااااااااااااااااااااااااااااااااااااااااااار 1700 و2000
ابعدي عنهم
وروحي المتنبي عندهم اشياء حلوه
ولي موضوع اسمه ازياء من تصويري وتصويرك الشخصي شوفي فيه مودديلا ت واسعار
ودعواتك

مشكورااات خواتي والله يعطيكم العافية ويرزقكم على قدر نياتكم

طيب اختي

الموسى كم اسعاره هو والرياض مول


يعني يجي عند الموسى بأقل من ال1000

ايه يجي بأقل ولو اعجبك الفستان اكسري سعره لأنهم يغلون واذا شافوك تكاسرين خفضوا لك..
موفقه

السلام عليكم
بالنسبة للفساتين انا عادة اذا لقيت فستان اعجبني حتى لو بدون مناسبة اشترية و احطة بالدولاب للمناسبات
و غالبا فساتيني ما تروح موضتها لانها ماهي من فساتين الصرعات
بالعكس اهم شي تكون رايقة و مرتبة على اللبس وغالبية اللي تعجبني بحدود الالف و اشتريهم من اماكن ماهو دايم عندهم فساتين سهرة بس يجيبون احيانا مثل ديبينهامز و اويسيس (برضة بديبينهامز ) و فية كم محل في غرناطة
لا تدورين في محلات اللي تبيع بس ملابس سهرة
هذولي برأيي عادة فساتينهم عفشة و غالية
ادخلي المحلات للملابس المنوعة مثل lest coast
بالنسبة لتوزيعات المعازيم
(اذا لكي خلق)
انا يوم كان عيد حمولتي علينا رحت السويلم عند محلات الهدايا و اشتريت الشكل اللي اعجبني (كان علبة صغينونة )وشريت بولو و قرفة و هيل و قماش تل مناسب للون العلبة و بسطت انا و الشغالات وحدة تحط بالعلب و وحدة تقص التل و وحدة تلف راس التل بوردة صغيرة (اللي ساقها سلك خفيف )
و صار شكلها مرة حلو وما كلفت شي
(انا شريت من مكتبة جرير ورق لاصق ذهبي و كتبت بالكمبيوتر كل عام و انتم بخير مع تحيات ........ مع التاريخ ) ولصقتها على التل بغراء المسدس
آسفة للاطالة