ابي فستان ملكه بليز يابنات الله ينولها اللي ببالها اللي تفيدني

انت من وين ياغلا
راسلينى اذا انتى من الرياض

عادي انا بجي الرياض وقلت لك بعد على الخاص ياذووق

السلام عليكم
شخبارك حلووومه :)
انا فهمت انك تبين فستان لملكتك ...صح؟
اول شي بقولك الف مبروك مقدما والله يوفقك ياااااااارب:26:
ثاني شي لاتحتارين بالفستان اذا كنتي ضعيفه:)
والله السوق كله للرشيقات ماشاء الله تبارك الله
شوفي اذا كنتي من الشرقيه روحي للخبر بلازا
ايه الخبر بلازا لاتستهينين فيه
وإلا الجمعه سنتر وأن شاء الله بتحصلين اللي تبين
انا قبل شهر كانت ملكتي وربي درت الخبر والدمام وعععععععععع من جد
كل المجمعات مالقيت فيها شي كل شي للرشيقات بس
<<<وزنها 80:(
رحت للمحلات اللي تبيع ب100 ورحت للي تبيع ب5000 ولالقيت شي
يوم يأست قلت بقى مجمع واحد اللي هو الخبر بلازا
هو صاااااار قديم ومحد يروح له
لكن وربي من اول محل لقيت فستان وماجايب منه الا قطعتين وحده مقاس 16 وأخذتها
ووحده مقاس 10 <<<أتمنى اللبس هالمقاس:hahaha:
وتدرين اني يوم الف المحلات ماشفت مثله ابد ولا حتى نفس الموديل
يعني صار مميز وسعره حلو صراحه على فستان ملكه 1050 ريال والخمسين قبل الألف هههههه
يعني الواحد يدفع فلوس أحسن من اللفلفه على المشاغل وعوار القلب
طيعيني وروحي اصلا هالمحل عنده شغلات حلوه وماتلقينها عند اي احد :)
اذا تبين اسمه برسله لك بالخاص
ونصيحه كل مايكون فستان الملكه بسيط والله يصير أحلا
اتركي الدفاشه والشكشكه والألوان اللي مدري وش تبي:hahaha:
وإذا ودك اعلمك عن فساتين العرس اللي ماتكلفك أكثر من 4000 واقسم بالله كلمة روعه شويه عليها
وحتى أقمشتها حلوه ولاهي بواقفه زي الاقمشه الرخيصه تحسينها عظم :hahaha:
توني قبل يومين رحت فصلت واحد وأن شاء الله بعد كم يوم البروفه وبعدبت إذا ضبطت المقاسات بيخيطه:)
اسفه طولت عليك بس والله حاسه بمعاناتك لأني كل يوم الف بهالسوق أجهز لعرسي
والله يوفقنا وياك ويوفق كل بنت ياااااااااااااارب:26:

وعليكم السلااااااام
هلا والله انا بخير دائمكم معاي
وايه انا ابي فستان ملكه ويعني انا ملياانه شوي وزني 54
والله يبارك في عمرك يالغاليه والله انا مو من الشرقيه والله داخ راسي من كثر مادورت وانا اصلا براسي موديل وياليت احد يساعدني فيه بس مالقيت واللي زاد اطين باله انوو ماعندي اخوات استشيرهم عشان كذ1 سجلت بالمنتدى وربي يوفق الجمييييع يارب

شوفي ياقمر .. اذا كنتي جايه على الرياض روحي لنجود ..راح تحصلين هناك كذا قطعه ..فيه محل اسمه سكوب اطلبي منها تطلع لك من بضايع المصممين الغاليه ..واسعارها مابين 10 -25 الف يعني بهالحدود ... وفيه عماير السيركون وساكس وهارفي .. انتي لو تجي على نهاية فبراير تكون البضاعه الجديده نزلت ..
والف مبروك مقدما