ابي فكره لعمل اي شي من ليف النخل

ممكن تضعي صوره له

لا تنسين ان المنتدى فيه كثير بنات

ما يعرفونه مثلي طبعا

شكله زي الخيشه يكون في اسفل النخله لاني من الاحساء عندنا مثل هذه الاشياء كثير

ممكن تعالجى الليف بغسله ونقعه فىالماء وبعد ما ينشف ممكن نلف به سله الحلويات وتزيين السله بالورود

وممكن لفه على رول المناد يل ووضع ورق شجر وتثبيت الرول على اى حامل :26:

1- تاخذين اصيص وتحشينه بالليف وتحطين في وسطه مجموعة اغصان او روله اللي موجود عندك وفي اعلى الاغصان تلصقين كورة من الليف وتلصقين فيها شويه اوراق على كم فاكهه او ليمون بلاستيك

2-اذا عندك علبة حلاوه او حتى علبة حذاء فاضيه غلفيها ولصقي على طرفها حبال واحشيها بالليف وزينيها بالورود المجففه مع مراعاة الطول واذا كان عندك رمان مجفف او ليمون اسود او مكسرات مجففه ممكن تضيفينها

3-ممكن عمل اكليل من الليف وتربطين عليه حبل وطبعا التزيين بشغلات مجففه بيكون احلى مع الليف

4- ممكن تاخذين حزمة اغصان اواعشاب وتربطينها من الوسط وتاخذين قطعه من الليف وتلصقينها في الوسط وتحطين وردة مع غصن فيه شويهاوراق وشريحتين من الليمون المجفف

5-تاخذين غصن وتعملين من الليف عش وتحطين فيه بيض وعصافير

6-تاخذين باقة ورد مجفف او صناعي وتلفين عليه الليف ثم تغرسينه في اصيص فيه حصى

7- تاخذين اناء زجاجي وتحطين فيه ليف وتنثرين عليه الورود المجففه وتحطين في وسط الاناء كأس فيه شمعه

والى هنا وخلصت الافكار واذا عصرت الباقي المتبقي من مخي وطلعت فكرة اكيد راح احطها لك

تحيــــــــــــــــــــاتي

سوي لوحة منه
اصبغي بالاخضر على كرتون او اي خلفية
تبينها ونسقي عليه ورود كأنه حديقة