الله كرررررررررررريم

انا شخصياً ماتعرضت لموقف
لكن شفت امي تنظلم قدام عيني سنه ورى سنه تنظلم من ام ابوي اللي ماقدر حتى اسميها جده
مع انها عاشت 30 سنه زي الخدامه لأم ابوي وابوه اخذوها وهي بالثانوي
ماعرفت دراسه ولا لعب ولا مراهقه ماعرفت الا كرف العزايم من الصبح لليل على رجولها تشتغل
غير تربية اخواني واحنا بيتنا كان 24 ساعه عزايم بالصبح وبالليل
ماعاشت في بيت وحدها وعمرها ماحست انها صاحبة بيت او صاحبة كلمه !
حرموها من انها تشوف امها مع انها كانت معها بنفس المنطقه
تخيلي لما بنت عمرها 17 تنحرم من شوفت امها المريضه ؟! الين مامات جدتي ام امي الله يرحمها
وامي ماكانت تقدر تزورها الا مره بالسنه بسبب تحريش جدتي لأبوي
وامي المسكينه على نياتها لما ابوي كان يقولها لا ماتزورين امك كانت تروح تبكي عند امه وتترجاها ماكانت تدري انها
هي السبب
كانت جدتي تفتش في اغراض امي وفي غرفتها وخصوصياتها
قلبوا شخصيتها غيورها 180 درجه صارت مهزوزه ومالها كلمه
صح اني مانظلمت بس كل ظلم صار لأمي علم على قلبي مقهوره عليها واكثر بكاي ودعاي لها
مع كذا عمرنا مافكرنا ندعي على جدتي صح مانحبها لكن عمرنا ماحكينا فيها او تمنينا لها اذيه او حسدناها
مع انها عايشه حياتها بالطول والعرض زوجها عنده خير كثير وولدها
واحنا محرومين منه كله لها زوجها مريض ومهملته وتاركته وهي من زواج لزواج ومن عزيمه لعزيمه
مع كذا يعشقها طيب ودي افهم دام زوجك يحبك ليه تحاولين بكل الطرق تخلين ابوي يكره امي !
عمرها ماسمعت كلمة حلوه من ابوي كله سب واهانه وانتقاص وتقليل
والحين قاعده تحاول تلمح لأبوي انه يتزوج وحده ثانيه دائماً تستهزأ فأمي وتتريق عليها وجدي ايام قوته كان يعامل
امي بإحتقار لأنها كانت من عائله على قد حالها وهما تجار والحين هو بالعربيه ماحد يخدمه الا حنا بناتها زوجته مو داريه عنه صحيح ان المال والنسب ماينفعون الانسان بشي الله يشفيه ويعافيه
اللي يقهر ويغبن ان امي عمرها ماضرتهم بشي ! ايش سر هالحقد والكره كله الله اعلم متدخلين في كل شؤون حياتها وهي ساكته وصابره
ماقول الا اجرها على ربي ودي لو اشيل هالحزن من قلبها
اللي تقول سامحوا والله الم الظلم كبييييير محد يحس فيه الا اللي مر فيه
عشان كذا عقاب الظلم كبير
احنا مادعينا عليها لكن متأكده ان ربي راح يقتص لنا منها لأن عمرنا ما اذيناها بشي كافين خيرنا شرنا وبالعكس نحسن لها ولجدي وامي دايم توصينا فيهم
لكن الله ينتقم لأمي بعدد كل تعب وقهر عاشته مع هالعائله هو حسبنا ونعم الوكيل

ويا اختي مهما شفتي من ظلم خلي حسبي الله ونعم الوكيل على لسانك وبس صدقيني الله عز وجل راح ياخذ لك بحقك
الله راح يكفيك
الله ينصر كل مظلوم والله قصصكم اثرت فيني لأني عشت ظلم امي قدام عيني كل يوم ولا ازال اعيشه
بس للظالم يوم

انا انظلمت ظلم كبير كانت صدمتي بيوم عرسي من زوج مايملك مقومات رجوله اهله اخدعونا بانه متعلم وانه انسان ناجح وطلع بالاخير عقله على قده ويعاني خجل شديد واسلوب كلامه وحركاته مثل الحريم

انصدمت وانا اشوف مستقبلي وطموحي ينهار قدام حقيقه اكبر من ان يستوعبها عقل

طبعاً طلبت الخلع ورجعت كل شي له علشان اخلص منه

الظلم مؤلم
وشعور انتقاص اهل الزوج لي واعتقادهم اني بقبل فيه لاجل ماله مهين وقاهر
من لحظتها للان وانا ادعي على اهله الله حسيبهم ونعم الوكيل كان كل همهم يخلصون من ولدهم

الظلم ظلمات يوم القيامه تاكدي ان ما اخذو جزائهم بالدنيا راح يعاقبون فيه بالاخره


الله يعوض كل مطلقه مظلومه بزوج يسعدها ويكرمها وينسيها الماضي

الظلم لي قصص معه

تزوجت وزوجي ماكان متحمل مسئوليه ورجعني بيت اهلي من بعد شهرين من الزواج وعلقني سنتين

والحمدلله ربي نصرني عليه

وزوجي الثاني كذب علي قال لنا بعد الملكه مشكلته في العيال انه ماينجب وماخلا فتره خطوبه الا اسبوعين مايبي احد يفضحه والحين علقني وهذا انا جالسه اجمع مهره عشان ارجعه رغم انه هو منه العيب وانا حاولت حتى بالانابيب بس هو مافيه حيوانات صفر وجسمي انتفخ من الا بر التجهيز للعمليه 25 ابره وعالجته من عندي وجازاني الحين يبي مهره ويتكلم عند الناس يقول انا قلت لهم قبل ماملك بمشكلتي وهو كذاب وانا الحين جسمي تنفخ من الابر وغير الظلم الي شفته والحمدلله على كل حال

وحسبنا الله على كل ظالم ونعم الوكيل

اللهم اكفنا شر كل ظالم بماشئت

دعواتكم

عندي تجربه ثانيه وسبحان الله كيف كانت نهايتهم اللهم لا شماته

ايام الجامعه وبفترة التدريب الميداني تعرضت لظلم من طالبتين معي بالقروب ماكانوا متعاونات معي وكانو يتبلون علي .. بايامها حيل انقهرت وكنت اداوم وانا مكرهه وللاسف المشرفه كانت تصدقهم وهالشي اثر بتقيمي 😔

وسبحان الله بنهاية التدريب وحده منهم كانت متزوجه بس لسى ما انجبت المهم انها طاحت من اعلى الدرج لاسفله وهالشي اثر عليها من ناحية الانجاب

والثانيه الله يشفي اخوها الصغير مشتبهين بوجود سرطان فيه كانت جداً حزينه عليه


الله يمهل ولا يهمل