ابي كريم يخفي التجاعيد ويشد الوجه

السلام عليكم
بدخل بالموضوع على طول كان فيه مقوله ايام زمان اسمعها بس كنت غير مقتنعه فيها لجهلي باهميتها وهالمقوله انه الحرمه من سن 35 تبدا بالعناية ببشرتها لانه خلاص يبدا الجسم بالهدم فكنت غير مؤمنه للاسف بهاالمقوله صراحة انا توي في بداية ال40 السنه هذي حسيت وجهي مرتخي واضح العلامات والخطوط حتى لو حاولت اخفيها ماتختفي فغلط الاهمال غلط خاصة احنا يالسعوديات نساء نحمل ونلد ونتعب ونرف وراء هالبزران فكثرة هالضغوط تؤثر على المراة خاصة ان الرجل بعد ما ياخذ بعض المسؤوليات عن زوجته
المهم ياحلواتت ابيكم هنا تذكرون تجاربكم السنعه في شد البشره يعني ابي نتائج ملموسة ابي كريمات اسلوب حياة اللي عندكن قولنه ابي الكل يستفيد ويرجع لهالموضوع اهم شي ابي اعرف اهم الكريمات اللي فعلا لها دور فعال في شد البشره واخفاء التجاعيد