الله يشفي لك بنيتك وتفرحين فيها يارب
ويشفي جميع مرضى المسلمين
الله الله بالدعاء والصدقه
وباذن واحد احد يشفيها رب العباد
قلبي معك ياوخيتي :24:

اسال الله العظيم رب العرش العظيم انا يشفيها.
شوفي اختي انا بقولك على قصه صايره مع وحده تعرفها اختي شخصيا ونشالله تلقين الفائده باذن الله..
طبعا هذي اللي تعرفها اختي مدرسه ابتدائي وتقول عندهم بنت تلبس شيله على راسها والكل مستغرب منها وسالتها مدرسه انتي ليه تغطين شعرك والا البنت المسكينه شعرها خفييف وفراغات.....جت المدرسه عطتها وصفه وخلت امها تسويها لها وبعد ست شهور بالضبط البنت صار شعرها كثير وحلو وما قامت تلبس شيله.....
الوصفه ما اعرفها والله بالمقاييس بس اللي اعرفه انها تستخدم نوى التمر مطحون من عند العطار تغليه وتاخذ مويته وتعجن فيها حنا وتحطها على راسها تقول والله ان شعرها طلع يهبل ......بس اعتقد يوميا وانا مدري اذا تبين تسوينها احاول اخلي اختي تسال وتتاكد من اللي عطتها الوصفه انا حاضره. وانشالله تتباهى بشعرها وتبرد قلبك قولي امين.

السلام عليكم ورحمه الله
اسأل المولى العظيم الحي القيوم ان يشفي ابنتك
وانا انصح بعدم البحث عن المستشفيات واتجهى للمولى القادر على كل شي وأتكلي عليه فقط
ثم ابحثي عن الاسباب
ارى اختي ان تقرئ عليها يوميا من الاذكار المعروفه وانتي واضعه يديك على المكان
سوره البقره يوميا" كلها او جزء منها يوميا" والمعوذات وايه الكرسي والفاتحه كل منهم سبع مرات
والاورده اليوميه او تذهبي بهاللقارئ مع افضليه قرأتك لها انتي وواظبي وبأذن الله سترين النتجه وخذي كل يوم او ثلاث مرات يوميا" كاس ماء زمزم واقرئ فيه ولو يسير وتشربه
اجعلي توكلك وسؤلك لله وبأذن الواحد الاحد سترين الشفاء من المولى القدير
ومن يتوكل على الله فهو حسبه..

اسال الله الكريم رب العرش العضيم ان يشفيها
لا تنسي الدعاء ولا تنسي الصبرررر

الله يعينكم اختي

انا بفيدج حسب معلوماتي
انا اسمع عن مركز ابوللو لزراعة الشعر ويمدحونهم
اعتقد لهم مركز في دبي وبدول ثانيه

واليوم قريت بالجريده عن طبيب اسمه الدكتور دون تشانتراساك موجود في مستشفى الامارات الدولي في العين في الامارات يسوي عمليات زرع شعر طبيعي

ورقم تلفون المستشفى 0097137637777

هذا كل اللي اعرفه والله يعافيها والله قادر يشفيها