ابي كل شي فواح وريحته حلوة تعالي قولي لي

رفع

ويسعدك انت بعد يا جميلة 🌹

بلملابس فية داوني حبيبات احط بالغسيل مع الصابون واحط منه باكياس الاورقانزا المعروفة واوزع بين الملابس
التبخير بعد الطبخ معمول دوسري وان كنت بروق البيت اما اشغل فواحات الكهرباء وهي سهله مره جبتها من هوم سنتر ع التخفيض بتسعين ريال كبيره وتطول تشتغل لما تنشف مويتها وتخلص ومعها زيوت عطريه احب حقة زهور الريف ودايم فيه تخفيض عليها وبعد استخدم بخور غناتي الي بعلبه للبيت ولغرفتي يجنن

بقول لك الطريقةة✨
بالنسبة للملابس صحيح كلامك تصير اشبه ب تعفن الملابس الشتوية
المطلوب منك يا عزيزتي انو اسبوعياً تغيري ترتيبها (مو تنظيمها❌)


يعني تاخذي من الاسفل و تحطيه فوق و اللي فوق بالنص و اللي ب النص تحت و هكذا ...)
ذي الطريقة الوحيدة اللي تمنع ريحة تكدّس الملابس


مثلاً خلي هالطريقة كل يوم جمعة
بعد م تصلحين هالطريقة عطري الخزانة من جوة و الملابس و حطي البخور و قفلي💓🦢


بهالخطوتين اضمن لك ريحة تجنن و تمنعي ريحة التكديس🤭


بالنسبة لريحة البيت عامّة جربي هالخطوات 💛
نظفيه تمااااام من الغبار .. كل حتّة👌🏻

امسحي الارض ب فوطه مبلولة + النوافذ+ الابواب


اخر شيء مرشّ عبيه موية و اخلطي معاه مقدار فنجان قهوة موية ورد🌸

و وقت البخور رشي ب الموية ع الاثاث و بخري
و خلي لكل غرفة فحَمه لحالها و وقفلي الباب ☘️
مو فحمة وحدة تمرين بها ع البيت كامل 🤭❌




و شوفي الريحة كيف لليوم الثاني 💛🦢✨


لا تعطّرين وقت البخور لان بالنهاية البخور بيطير و يبقى فقط ريحة العطر.. هو حلو تخلطينهم مع بعض لكن هالحركة(عطر+بخور) خليها للمناسبات فقط لانها ما تبقى ثابته الا حوالي ساعتين تقريباً .. لكن ريحتها جميلة💛


اما حركة (الموية+البخور) هذا لو بغيتي البخور يبقى معك يوم يومين .. لان الموية بلا ريحة فبامسك لك ريحة البهور ب التفصيل 👌🏻
و تقدرين تطبقينها قبل المناسبة ب يوم كمان تطلع احلى🧡🎡و اليوم الثاني بخور و عطر




لكن زي م قلت لك شيلي الغبار شيل🧘🏻‍♀️ لانو هو ساس البلا ما يمسك البخور او يقلبها ريحه شينةة

جربي تصلحين مخلط ب نفسك😍👌🏻
ثابت
غير مكلف
و يجنن 🧡🧘🏻‍♀️

خذي اي نوع زيت عطري لكن يكون حلو
من زهور الريف او ليف ستايل او ذا بودي ووركس او من اي مكان
المهم زيت عطري حلو (زيت فواحة طبعاً)

الطريقة ..
علبة مرشّ
نص العلبة موية ورد🌸
و النص الباقي مقادير متساوية من الزيت العطري+اي معطر للملابس ريحته حلوة سواءا داوني او كمفورت+مسك او عطر عادي

خذي اي مسك ريحته حلوة سواءاً من عبد الصمد او ابراهيم او حتى من الكشكات العادية المهم ريحته تكون حلوة .. و تقدرين تستبدلين المسك ب عطر عادي لكن المهم ريحة منعشةة مو ريحة قاتمة و تكتم


الخلطة ما تستخدمين فيها موية❌
جربيها و ادعي لي بتعتمدييييينها و ثااابته ثابته ثابتتتتته 😍
تقدرين تعتمدينها لوحدها او مع بخور

انا من عشاق المعطرات لكن على قولتك بهالزمن صارت مبلغ بدون ثبااات في الريحة .. م عاد فيه مصداقية