مااشوف الشراكه ناجحه الا ان كانت موثقه باوراق رسميه تحفظ حق كل واحد ويتشاركو في الربح والخساره

حسب الشريك اللي اخترتيه

يعني اذا كل الاثنين منظبطين تمام ماشي

لكن لما يكون واحد يتعب والثاني بس يستلم فلوس هذي صعبه بالمره

لازم يكون لكم شروط تتفقون عليها وعقد للاطمئنان اكثر

حبيبتي لا ثم لا للشراكه والله وجع قلب
وتخسرين قريبتك وتخسرين راحة البال
عن تجربه

انا عندى شريكه فى مشروعين ولله الحمد امورنا جيدة
اول شى مو من الاقارب ثانى شئ تكونى عارفتها من زمان وعارفه طبعها
والشراكه مساعدة وتعاون

شوفي يالغاليه احيانا تكون الشراكه شر لا بد منه
عندي لك تجارب مو تجربه وحده :
الاولى ابو ي الله يخليه لي ببداية تجارته الواحد ما يفكر الا بشخص عزيز عليه فشارك اخوه اللي هو عمي بقصد ان المنفعه تعم الاثنين ولله الحمد مشت الامور تمام ففكر ابوي ياخذ لنا بيت ملك .. وكانوا يحطون مبلغ في حساب خاص للظروف .. وكان مبلغ جااااااااااااااامد حول 300الف .. تاخر ابوي باقساط البنا وسكروا بيتنا بالشمع الشركه .. فاضطر ابوي ياخذ المبلغ دق على عمي يعطيه خبر مارد .. راح للبنك مالقى ولا ريااااااااااااااااااااااااااااااااااال .. وهذا اللموضوع له اكثر من 20سنه وليومك هالشي يالم ابوي اذا تذكره وكانه صار امس ..

وجيتك انا سكنت بمنطقه مافيها احد من اهلي واخذت مشغل والمشغل يبي له اداره ومتابعه وايد وحده ما تصفق شاركت اخت زوجي وغلطت غلطة عمري بهالقرار سبب لي مشاكل مع زوجي واهله كلهم .. والحين تخارجنا ورجعت تخيلي تقبلت منها المشغل مره ثانيه .. وليومك ماصفت النفوس ..

التجربه الثالثه للوالد بعد :
بعد ماخاب ظنه باخوه تشارك هو وواحد ما نعرفه بس صارت علاقتهم اكثر من اخوان صارت علاقتهم مرررررررررررررررره قويه .. وكانوا متفقين على كل شي .. شريك ابوي شرط عليه انه ما يقدر يتابع اي شغل من بعد المغرب لانه يتواجد بالبيت اغلب الوقت وما عنده اولاد فيحب يكون موجود مع بناته طول الوقت وافق ابوي لانه يحب الشقى والروحه والجيه .. اشترط شريك ابوي انه ماااااااااااااااله علاقه بالمراجعات في الدوائر الحكوميه وهالشغلات ووااااااااااااااافق ابوي ..
وكانوا بجد مرتاحين مع بعض لان كل الامور توضحت من بدري .. وكان ابوي يتمنى يكون عنده ولد يسميه باسمه من غلاته عنده ..
والحين شراكتهم صار لها اكثر من 22 سنه .. وقرر شريك ابوي يبيع المحل اللي اشتركوا فيه .. ووافق ابوي .. باعه ب600الف
تخيلي كم اعطى ابوي ؟؟؟؟؟؟؟؟؟؟

30ألف ......... !!!!!
شقى سنين ابوي وعمره وصحته بهالمبلغ


اترك لك التعليق .

((اعرف اني طولت لكن نصيحه اذا بتشاركين احد وضحي كل شي من البدايه بحيث كل وحده يكون لها مههاااام مخصصه لاتصير الدعوة كلنا مع بعض ونتساعد ومن هالكلام ))
والله يوفقك بس اذا تعز عليك لاااااااااااااااااااااتشاركينها اللي ماتعرفينه افضل اما تكسبينه او يروح كلن بحاله ما خسرتي احد ..

هذا رايي واتمنى افدتك