ابي لها حل وادعوا لها

اخواتي ابطرح المشكلة وابي رايكم وابي منكم الدعاء .

المشكلة ان في وحدة اعرفها على علاقة مع شاب من فترة حبها وحبته بالمرة تعلقوا ببعض
المهم قرروا الزواج والاستقرار هذا هدفهم لكن الحمدلله لم يحدث بينهم اي شي اهل البنت ماعندهم مشكلة لكن المشكلة بأهل الولد وعلى فكرة الولد وظيفته مدرس وناضج يعني ماعنده
سوالف المراهقين والخرابيط والدليل انه اول ما عرفها ناقشها بموضوع الزواج والاستقرار
وقالها : ماعليش اتقدم لحالي واخطبج؟ طبعاً البنت تفاجأت فقالت له: ليش وين امك واهلك؟!
فقالها: انا فاتحت الوالدة بالموضوع وعصبت ورفضت.فقالت له: ليش رفضت؟! قال: لان
مونفس العادات والتقاليد ومدري ايش من هالخرابيط مع انها البنت من نفس الديرة ومن عائلة معروفة يعني مثله تقريباً بس امه تقول انهم يخلطون بالنسب .
والا هو وده يتقدم لحاله لانه على حسب كلامه لها انه مقتدر لكن البنت رافضة لانها عارفة طبيعة اهلها بيستغربون من جيته لحاله واول شي بيسألونه عن اهله؟! وش راح يقولهم وصعبة يقولهم ان الاهل رافضين الزواج. وبالتالي بيتغير موقف اهل البنت وبيعاندون وبينظرون لها من باب الكرامة وعزة النفس على شان جذا البنت ماودها تفاتح اهلها بالموضوع لين تصدر الموافقة من ام الولد .
وعلى فكرة البنت صارحت خالتها وخالتها طبعاً متزوجة لكنها متفهمة وكبيرة وناضجة
وانصحتها خالتها وقالت لها : انتبهي تفاتحين اهلج بالموضوع وتقولين لهم ان في واحد يبيني بس اهله رافضين لأن بعدين تكبر السالفة ويصير الرفض من الطرفين وتصعب طريقة الاقناع
وقالت لها خالتها خلي الرفض من طرف واحد اسهل وقالت لها بعد: احمد ي ربج ان الرفض من جهة الولد وان امه اللي رافضة بس لوكان الرفض من جهة البنت فراح تطيح البنت بمشاكل هي بغنى عنها وراح يجبرونها بالزواج من واحد ثاني وتتعذب عمرها كله
وقالت لها خالتها : اصبري مادام انه صاج ويبيج خلاص صدقيني الله بيسهل امرج وامره والحمدالله ماهو من هالشباب اللاعبين ومن عايلة زينة ومحترمة وان شاء الله بيطلع ريال وقدها وقدود .والبنت يتقدمون لها خطاطيب وهي ترفض كله على شانه ماتبي غيره وهوبعد احياناً
امه تفتح معه موضوع زواج وانها بتخطب له وهو يصرف النظر عن الموضوع .

واخر مرة خطبها ولد عمتها وارفضته وقالت له : ان ولد عمتي خطبني .قالها : اصبري لين بعد العيد وان شاء الله .
وهي مشكلتها ماتضغط عليه وايد لأن ماودها تضايقه لأنه متحمل مسؤليات فوق طاقته ولا ودها تزود عليه لكن اذا صار احد متقدم لها تعطيه خبر.
شنو الحل برايكم هي هين مافي الا انها تنفذ اللي هو يقوله لها وبتصبر لين بعد العيد بس ابي منكم الدعاء لها وانكم تدعون ان الله يحنن قلب امه عليهم وان الله يكون معاه ويسهل الله اقناع امه يارب ادعو يابنات فالبنات مسكينة دايم تدعي وكل يوم وتبي منكم بعد الدعاء لها.
بكون كلمت الوالدة مرة ثانية وبقنعها.
وهي مرتاحة معه لأنه واحد مستقيم ولا عنده لف ودوران ومدرس وناضج وبعدين يدور الاستقرار مع اللي هو يختارها لأن سبق ان تزوج لكن ماتوفق بزواجه الاول بس ماعنده عيال.
وعلى شان جذا يبي يعيش مع وحدة هو مختارها بعقله قبل قلبه.
ادعوا لها يابنات .