ابي محل مطابخ مو غشاش

يسعدلي مسائكم بكل خير
حبيت استشيركم باافضل محل تفصيل مطابخ بالرياض وسعره معقول يعني المتر على 500 او 600
واهم شي مايكون غشاش لاني فصلت قبل 6 سنوات عند محل غشاااااااش والله العظيم يابنات كل مادخلت المطبخ دعيت عليه حتى وانا صايمه ادعي عليه لانه حرامي نقص بالمقاسات وركب الزجاج على وصخ وغبار مستحيل اقدر انظفه وغير الرخام اللي انا اخترته لرخام يسد النفس مو ملائم ابد وتركيب الدولايب واحد طالع واحد نازل والفصالات ماكملت شهر إلا وهي طايحه ويوم كلمناه الله ياخذ عمره قال مسؤليتكم ليش ماكلمتو العامل اللي جاء يركب والرخام يقول اللي طلبتوه خلص واعذاره ماتنتهي ومابي انغش مرتين وانا المشكله مطبخي مقطع مافيه زوايا كامله لان فيه فتحت باب للمستودع وفتحة باب المطبخ واللي ابيه الله يرضى عليكم وعد مني لدعيلكم انكم تدلوني على محل مظمون وايش الاوان اللي تناسب السيراميك حقي لونه خربزي وابيض وتتوقعون ظروري اتقيد بالسيراميك لان بيطلع نفس لون مطبخي السابق او عادي انا نفسي باللون الاحمر او البني المحروق