جزاكم الله خيييييييييييييييييييير

عزيزه العلي اشكرك ع الافكار

ابغى زياده الله يسعدكم موب لازم مجربه

خرفووو من عندكم :D:

خذي كتاب به اسئله ثقافيه سهله وقسميهم فريقين بالتساوي واحسبي درجاتهم منها تسليه وحماس وثقافه معلوماتيه

ولعبه الكراسي المعروفه تشغلين عليها انشوده وفجأه توقفينها وطلعوا كرسي واللي تبقى فائزه

لعبه شد الحبل عدد متساوي ومين اللي بيفوز تناسب الاطفال والبنات وممكن الحريم (( ممنوع اللي معها الدوره او حامل او...) الافضل تخلينها اختياريه من بتقوم وكذا

خذي سبوره صغيره وسطريها انسان حيوان قسمين طلعي ثنتين مين بتفوز قبل الثانيه وكل وحده حرف مختلف
ممكن وحده تتقن اكله معينه تفيد الاخريات عن طريقتها وكذا بيصير تعارف واستفاده
ايضآ طلعي 6 بنات كل وحده تقول اسم مدينه بالسعوديه بسرعه واللي ماتسرع او تكرر تطلع برع هههه
اشتري اسكريم بريالين ابو علب وكل وحده توكل الثانيه >> وشوفوا التخبيص
غطي عيونهم وحطي ماكياج كل وحده تمكيج الثانيه >> وطلعوا المواهب
وممكن تستفيدي من قناه المجد ومسابقاتها اللي كانت تطلعها بالصيفيه
الصراحه حلو قضاء الوقت بمتعه ورياضه وفائده انا اؤيد بشده هالاسلوب الجميل بس لاتنسو بين كل فقره والثانيه تذكير بسنه او فائده مختصره او عبره او سرد قصه للفايده وكذا يعني مو كل الوقت في لعب لا لازم من مجلس ذكر تشهد لكم الملائكه فيه لان المجلس اللي مابيذكر فيه اسم الله بيكون حسره وندامه ع الشخص يوم القيامه

اتمنى اكون افدتك يااختي الحبيبه

شوفي هذا الموضوع

المسابقه الاولى: المخده
تختارين شخصين (متقاربين في الوزن) كل واحد منهم يمسك المخده من طرف واللي
يقدر يسحبها هو الفايز


المسابقه الثانيه: الجمره
تسوين حلقه من المتسابقات 5 أو 10 أو 20 لو تبين
وتعطينهم الهديه أو أي شيء ثاني يمررونه بدور بينهم وانت تعدين أو تنشدين
وانت معطيتهم ظهرك وتلتفتين عليهم فجأه واللي تلقين الهديه معه هو
الخاسر وتطلعينهم واحد ورا واحد والاخير هو الفايز

المسابقه الثالثه:علب المويه
تجيبين لك علبتين مويه من اللي 3لتير أو جيك مويه
وتخلين المتسابقتين يوقفون ويمدون يدينهم وهم ماسكين علبة المويه بيد واحده واللي
تتعب وتنزل يدها هي الخاسره

المسابقه الرابعه:القلم والقاروره
تجيبين لك قارورتين مويه (الصغيره) وقلمين تربطين كل واحد بخيط وتخلين كل واحده
تمسك الخيط بفمها واللي تدخل القلم في القاروره أول هي اللي فايزه



المسابقه الخامسه:التفاحه
تجيبين لك تفاحتتين وتربطين كل وحده منهم بخيط وتعلقينها في حبل أو تخلين ثنتين
طوال يمسكون التفاح وتربطين يدين المتسابقتين واللي تقدر تأكل التفاحه أول هي الفايزه
--------------------
--------------------------------
1- الأرقام والحروف
تختارين فريقين كل فريق يتكون من 3 أشخاص وتعلقين عليهم حروف مثل (ب-ح -ر)
ومرة تقولين حبر ومره ربح ومره حرب وهكذا الفريق اللي يرتبها أول هو الفايز

وممكن استبدال الحروف بأرقام

2- تقشير البرتقال
تكون بين متسابقين وتعطينهم برتقالة واللي يقشرها أول وياكلها هو الفايز

3- الهدية المجهولة.

تغلفين هدية بعدة تغاليف والهدية تدور على كل المشاركين وكل مشارك يفتح غلاف واحد فقط ويعطيها اللي جنبه واللي ياصل لين

الأخير وتنفتح معه الهدية هو اللي ياخذها
============================
المسابقه السادسه:القاروره والقيطان
تعطين كل من المتسابقات قارورة مويه ولزاق أو قيطان واللي تلف اللزاق أو القاروره
على القاروره بحيث تغطيها بالكامل هي اللي الفايزه


المسابقه السابعه:الشمعات مع المويه
تعطين كل متسابق مسدس مويه وتحطين قدامه شمعه مولعه على بعد 3 الى 5 متر
واللي تطفي الشمع أول هي الفائزه


المسابقه الثامنه:حروف وكلمات
تعطين كل متسابق ورقه وقلم وتعطينه 3 حروف واللي يكتب 5 كلما ت
بسرعه مكونه من الحروف الثلاثه هي الفائزه
مثل:ر ق م ( رقم , مرق ,رمق , مقر , قمر ,)
ر ب ع (عرب , عبر , ربع ,رعب , برع)
ح ب ر (رحب , ربح , بحر , برح , حبر , حرب)


المسابقه التاسعه:قائمة الكلمات
تعطين كل متسابق ورقه وقلم وتقولين قائمة من كلمات بسرعه شديده
وإذا خلصتي أجمعي الاوراق بسرعه وأكثر وحده كتبت من الكلمات هي الفايزه
والذكاء في هذي اللعبه أنك تجيبين كلمات متشابهه في الحروف لكن بعيده في المعنى
مثل( طماطم ,طبل , بطل , طالب , بطاطس , طحالب )
(جبن , جلد , بنج , دجل ,وجل , جمل ,جبل , خجل ,خلج , فجل ,رجل ,نجل)
============================


كنت حافظتها بطبقها لهلي ولا حصلت فرصه..منقول من ارشيف عالم حواء
دعواتك لوالدي بالشفاء..

الله يجزاااااااااااااااااااااااااااااكم خير

ويحقق مناكم ويشفي مرضآإكمـ يارب العالمين


تم لطش كم فكررررررره وان شاء الله اسويها

واللي عندو زياده لايبخل فديتكم

رفع ... عجبني الموضوع ماااااره يعطيك العافيه ياراحتي بالطاعه