ابي مساعتكم محتارره اوافق علييه او ما اتزوج؟💔

ابي مساعتكم الله يجزاكم خير انا تقدم لي شخص محترم والكل يمدحه وانا كبرت ومن سنين ما تقدم لي احد,,, انا تقدم لي شخصين فقط واحد كان غير مناسب ابداا وكان ذاك الوقت عمري 24 والشخص الثاني هذا الي تقدم هاليومين والحين عمري 33 وفرص الزواج عندي قليله ومثل ما قلتلكم ما عندي خطاب علشان اختار بينهم واصلا محد تقدم الا هالشخصين شخص قبل 9 سنين وهذا تقدم لي الحين
فرحت كثير لانه كنت احسب ما راح اتزوج لانه محد يخطبني عكس صديقاتي ماشاءالله دايم يقولون لي يتقدمون لهم ناس وهم يختارون الافضل وتدرون انا كبرت واللي حولي وفي سني اغلبهم تزوجوا وعيالهم في المدرسه الله يسعدهم انا فرحت بالي تقدم تبون الصراحه انا وحده شكلي عادي عكس خواتي جميلات ماشاءالله والي تقدم لي اصلا انصدمت كيف يتقدم لي هو شخص جميل والبنات يتمنونه وخلوق ومصلي ومحترم

الي شاغل بالي اخاف اوافق اخاف اتطلق اخاف تصير مشاكل بقولكم ليش انا عندي اخو لعيييين وكل البيت يدعي عليه ويقط كلام على امي وامي تبكي بسبته بس هي تنسى وتسامحه هي وابوي وانا انقهر لانه ما يراضيهم شخصيته لعين يعتبرنا انا وخواتي بقر وما نفهم وما يمدي نكمل الكلمه الا يعلق وانتم غلط وما تفهمون ودايما هو الصح ويسبنا وكم مره يطقنا هو متزوج افتكينا لما طلع هو وزوجته لبيتهم اللي خلص ما اخفيكم استانسنا واخيرا بعد هذي السنين راح الهم وبنعيش بسعاده احنا 5 بنات وحده فينا متزوجه ومنطقتها بعيده عنا مررا زوجها طيب معها بس وقت ما يعصب يعايرها باخوها انصدمت منها انها ما قالت لنا اكتشفنا اخوي شخص ما يبي لنا الخير ودايم يبين انه زوجته واهلها هم صح ويخافون الله ومحترمين وتقول انه يقول احنا عوانس تعدينا الثلاثين وفيهم حالات نفسيه نجيب مطاوعه للبيت ويقول احنا نتشرط واجد وقال لاخوي لا تخليها تتشرط عليك وتعبك المراه نفس الجزمه لا تخليها تشيخ عليك وكلااااام كثيرررر الزبده احنا ملاعين ومرضى تخيلواا ( لما قال نجيب مطاوعه احنا فعلا جبنا مطوع يقرا على اختي الي في الجامعه تعبت فجاه وكرهت الدراسه ودايما تبكي ف المطوع يقرا عليها والحمدلله تحسنت)

انا هاوشت اختي قلت ليه مخبيه علينا وما قلتي لنا قالت انا منسده نفسي من الموضوع وما ابي اذكره والمشكله الكلام اللي يقوله لزوجها كانت تسمعه لانه زوجها حاطه سبيكر ويبيها تسمع انه شوفي اخوك وش يقول زوجها كااان طيب بس الحين ابداااا اي كلمه يقول ما ينلام اخوك يوم يقول عنكم.......يالله تعبت ومفشلنا والكل يدري اذا بيتقدم لنا احد تخيلو يابنات اذا احد تقدم يستشير زوجته وزوجته وفي الاخير يطلع اعذار او يطووول علينا وما يرد واخر شي يروح الي متقدم ,,تخيلو مره تقدم شخص لاختي وقال بيسال عنه قعد 3 شهور وندري اصلا كذاب ما يسال بس الله يسامح امي الي معطيته اهميه لازم نشاوره
بنات انا خايفه اوافق ويفشلنا عند الرجال هذا عايلته معروفه ومش من عايلتنا اخاف يتكلم فينا كيف الي باخذه يحترمني؟ ؟؟
اكييييد بيعايرني ومن النوع الي يلزق يعني كان يعزم زوج اختي ويروحون يتمشون سينما او غيرها ونكتشف انه منتكلم فينا لانه في اشيا في البيت تصير محد يدري فيها الا احنا ولما زوج اختي يقول انه اخوك قالي بذا الموضوع فاندري انه تكلم وقاله اخوي الود وده ابددد ما نتزوج ولا نشم ريحه الضنا

يالله والله احنا محترمات والكل يدري عنا وعن اخلاقنا اخاف اوافق انا قلت لامي انه ابوي الي يسال وابوي جاب الجواب بس امي وابوي عندهم ضروري اخوي يعرف شلون يتقدم شخص ويخطب رسمي وهو ما يعرف؟
بنات انااا خايفه ابي اتزوج وللامانه حبيت هذا الشخص من سمعت عن اخلاقه وعمره مناسب لي بس اخاف يصير مثل زوج اختي ويعايرنا
كيييف اكون انسانه قويه واحط حدود كيف ابين لامي وابوي ما ابي يكون علاقه بين الي بيصير زوجي مستقبلا وبين اخوي كيف ؟؟
وش اقول اذا تزوجنا انه ابيكم تبعدون عن بعض طبعااا ما ابي ابين له شي وادري غلط اطلع عيوب اهلي !!
وكيف اقول لاخوي ما ابيك تدخل اكيد بيهاوشني او بياخذ رقمه وبيتعرف عليه انه صاروا نسايب وبيعلمه عناد فيني انا اعرفه شخصيته كذا الود وده ما نبينا نسوي ولا شي نقعد في البيت ناكل ونشرب لين نموت ويعايرنا انه ما عندنا مناسبات واهل زوجته عندهم مناسبات وافراح
قولولي كيف محتاره هل اهوون وخلاص ولا افكر بالزواج؟؟ بس انا اتمنى اصير ام حتى خواتي نفسي يقولون نبي نفرح بس هم نفس حالتي يخافون,, كيف اتخذ القرار لانه اذا خذيت قرار صحح خلاص بستانس ولا راح اخاف على خواتي لانهم بيتبعون نفس اللي سويته ,, قولولي لانه ابي حححل انا وخواتي بنقرا الي تكتبونه مالي بعد الله الا انتم 🌹

وبسالكم هل اخوانكم يكلمون ازواجكم يعني لازم ك عزايم وطلعات وسوالف والا لا ؟