اختي كمان ممكن تحاولين انك تجلسين معها وتحكينها وتعطينها الامان...

يعني تعطينها قصه عنك(ولو مفبركه) وتكون قريبه من مشكلتها ..صدقيني هي راح تعترفلج بلسانها بس برضه خذيها بالسياسه..لاتحاولين تبينين لها انها صغيره وماهي قادره تتخذ قرار بس انت حاولي انج تقنعينها وتخلينها هي بنفسها تاخذ القرار..

ودمتي..

هلا فيج اختي
شاكرة لج ردج تسلمين يالغاليه

أختي الغالية ..

احيييييييييييج على خوفج وحرصج على أختج ..

أنا بعد عندي أخت في نفس عمر أختج .. والله ما تعرفين كيف اخاف عليها ..

مرات أحس حارمينها من وايد اشيا .. احنا كنا نسويها ..

حتى الرحلات مع المدرسة ما نخليها تروح .. واحس هالشي نوع من الحرمان اللي بينعكس على نفسيتها .. بس اذا كان في شي يعوض مكان اللي تباه هي بترضى بالواقع ..

والله هالجيل وايد ينخاف منه ..

وكنت وايد أخاف عليها يوم أشوفها تدخل النت .. بس بحكم نظام مدرستهم .. تقريبآ كل شي يقدمونه تقريبآ عالنت فما نقدر نحرمها منه ..

بس دايمآ وابدآ يوم تكون معايه .. ما نسولف الا عن المشاكل والبلاوي اللي صايرة في المجتمع عند فئة المراهقين ..

وبما أني انا اللي أكبر عنها على طوووووووول .. فتسمع لي .. احاول اكسب ودها .. وآخد اسرارها .. ابدآ ما اتجاهلها .. حتى لو اتصلت لي وانا مشغووووووولة احاول افضي عمري واسمعلها .. والحمدلله أمي مو مقصرة معاها ..

بس هي مرات تقول .. أمي جيلها غير عن جيلي ... وتفكيرها غير عن تفكيري .. بس أنا كنت اشوف أمي - الله يطول بعمرها - تحاول تشوف شو اللي يصير معانا احنا كبنات وفي هالجيل .. وتحاول تتعايش مع وضعنا ..

والبنات في المرحلة صعب السيطرة عليهم الا بشكل ودي .. ( أنا من فترة مو بعيدة مريت بمثل هالمرحلة وحسيت بعمري كيف كنت عنيدة وراسي ياااااااااااااابس ) ..

والكلمة الحسنة هي اللي تمنع ..

اختي .. راقبي تصرفات أختج .. وحسسيها انها متغيرة ..

وانه في بنات يدخلون الشات .. والشات ما فيه الا اللي يضرهم .. وكل البنات اللي يدخلون الشات في الأخير يندمون .. والبنت جوهرة الثمينة .. المفروض ما ترخص نفسها .. حتى لو منو كان .. ومنو هالانسان اللي يستاهل يسمع صوتها ..

وذكريها بأن الاسلام جعل للمرأة مكانتها العالية .. وعليها ان تحافظ عليها .. وما تنزل من قدرها ..

وذكريها بالوالدين .. والثقة اللي عطونا اياها .. هل معقوووووووول اهلنا يثقون فينا وفي الاخير نخون هالثقة ..

وماعليها من صديقات السوء .. لأنه هالصديقات مفسدة .. وانحطاط ما بيعطون المجتمع شي .. بالعكس بيزيدون من الفساد ..

وأهم شي تكونين صديقتها .. اطلبي منها اذا كان مضايجة ولا زعلانة من شي تفضفض لج ..

واذا تقدرين تاخدين ايميل هالشاب .. وتفهمينه بأنه البنت بعدها صغيرة ... وانه قص عليها .. واطلبي منه انه يبعد عنها بدون انفعال .. لأنه هالشي يمكن يخلي البنت تعاند وتصر على موقفها لو عرفت ..

واذا قلتي للشاب هالشي .. لا تبينين لها انج عرفتي .. خليها تعرف منه هو أحسن .. لأنها يمكن تستحي من نفسها .. وتستحي تواجهج .. وترد عن اللي كانت تسويه ..

وحاولي تبعدينها عن الانسانه اللي دخلتها الشات .. وتشرحين لها بأنه هالبنت ما بتفيدها بشي .. والشات مضيعة للوقت اللي بنسأل عنه يوم القيامة ..

والله يفتح عليكم الغالية ...

ويوفقكم ..

واسمحيلي عالاطالة ..

يعطيج العافيه اختي
مشكوره على كل كلمه قلتيها لي
الله يحفظ لج اختج يارب
تقبلي تحيتي

اختي اذا انتي اختها وما كلمتيها وفهميتها وواجهتيها بالحقيقة عيل منو بيواجها ومنو بيعلمها قبل لاتضيع .. أأنتي أختها وأدرآآ بمصلحتنا وخلوا هذ1 مثل سر بينكم وعلميها وخليهاا تتعلم من غلطتها وبعدين ليش ماتقولين لها مستحيه خايفه شي بالعكس لو منج انا وربي جان قلت لها وبعدين هذ1 طيب منج وحنية قلبج انج تسوين لها جذذي .. لاتترددين وسويه باسرع وقت
والله يعطيكم العافيه