ابي مساعدتكم احس عندي ادمان اكل 😪

ممكن تكونين حارمه نفسك قبل رمضان من اشياء كثير بسبب ان الرجيم قاسي

عشان كذا جسمك مع فترة الصيام جالس يعمل رد فعل قوي ويخليك تاكلين بشراهه

او ربما انتي تعتمدين في وجباتك على الكربوهيدرات والحلويات والعصاير المليانه سكر بنسبه كبيره عشان كذا تحسين برغبه مستمره في الاكل لان الانسولين بجسمك جالس يرتفع سريع عشان يسيطر على السكريات الهائله وبعدها يجيك رغبه بالاكل واحساس بالجوع .

الحل لا تحرمين نفسك من الاطعمه المتنوعه كلي من كل نوع حاجه بسيطه لكن ركزي ان وجباتك ضروري يكون فيها طبق سلطه خضراء وبروتين سواء حيواني او نباتي من البقوليات وخضار غير نشويه ولا تكثرين نشويات

اما الحلا والعصاير حاولي تخففينها وتكتفين بقطعه صغيره بعد الفطور بساعتين

واذا حسيتي برغبه بالاكل رغم انك اكلتي من فتره بسيطه خذي كوب مويه كبير واعصري فيه ليمونه واشربيه

واذا ماراحت رغبة الاكل خذي طبق سلطه خضراء ويفضل يكون فيه خيار او فلفل ملون واجلسي كلي وقرمشي براحتك
واذا نفسك بحاجة ساخنه اعملي لك شوربة خضار



وبس احب اذكرك ان الخضار الغير نشويه مثل الكوسا والباذنجان والقرنبيط الباميه الفاصوليا الخضراء الفطر إذا طبختيها بدون زيت وزبده ماتسمن وبنفس الوقت تحسسك بالشبع السريع لانها مليانه ألياف وسعراتها الحراريه قليله لانها مافيها نشويات مثل البطاطس والذره

كذلك السلطات الخضراء والسبانخ والملوخيه والبصل الاخضر والفجل والجرجير والخيار وغيرها لو تاكلين 10 كيلو منها ماتسمن وبالعكس تحسسك بالشبع وتملي بطنك لانها مليانه ألياف وسعراتها الحراريه اخف حتى من الخضار

يعني اعرفي وش تختارين تدخلينه بطنك بضمير مرتاح افضل من اللخبطه

حبيبتي يمكن انك حارمه نفسك برجيم قاسي قبل عشان كذا الحين ماتقاومين الاكل..
صعب انك تتركين الاكل مره وحده لا حبه حبه مثلا دايم تفطرين شوربه ٥ سمبوسه كم قطعه حلى ومعجنات وعصاير وتمر ابدي اليوم نفس شوربتك لكن السمبوسه اكلي ٣ الحلى اكتفي بقطعه العصاير لو كنتي دايم تشربين من كل نوع كاسه اكتفي بنوع واحد عصير وهكذا واذا مره ماتقاومين اشربي موويا عشان تحسين بالشبع وضيفي مع مويتك شريحه ليمونه عشان تحسسك بشويه غثيان يعني يعطيك شعور الشبع اتبعي هالطريقه اسبوع واكثر لمن تتعودين على هالكميه من الاكل ولمن تتعودين تماماً ابدائي نقصي من كميه الاكل كمان خلي سمبوسه وحده والشوربه شويه وهكذا لحد ماتوصلين لمرادك باذن الله..
هالطريقه اشوفها مضمونه اكثر من الحرمان مره وحده عشان تهيئين جسمك للاكل القليل وماترجعين بعد فتره للاكل الزايد والسمنه السريعه✨....

والله يابنات انا مثل جمانه بصراحة بالرغم من انو ابدا لاحارمه نفسي ولاشي بالعكس أضعف واخبص كثير بس مازال شعور الشره يلاحقني شي والله مو طبيعي لدرجة اتكلم كثييير بالمأكولات والأكل مع عيالي لكن هذا ابتلاء ونعوذ بالله من بطن لاتشبع..وإن شاءالله استفيد من نصايحكم انا وجمانه

شكراا من القلب حبيباتي علي ردودكم 💕
انا صدق ما كنت حارمه نفسي بالعكس التظام كان تبع اخصائية تغذية ومشالله ما كان فيه اي حرمان
بس لاسف مثل ما قلت لكم من دخل شهر الله وانا مع التخبيص اصدقاء😪