ابي مساعدتكم ومشورتكم ....

السلام عليكم
كيف الحال للجميع ان شا الله الكل طيب ؟
اول شئ الله يوفقكم دنيا ودين ويسخر لكم الخير من خلقه والله يرزقكم كل اللي تتمنونه يارب ويفرح قلوبكم

( مدري اذا الموضوع في مكانه او لا اذا مكانه الحمدلله وصلت خير واذا مو مكانه المعذره من المشرفات )

انا هالترم اطبق ميداني عند ابتدائي

باقولكم بسالفتي كلها وان شا الله ماازعجكم واتعبكم معاي كل اللي ابيه تساعدوني

اول شئ انا ماسكه صف سادس
واول اسبوع اللي كان مشاهدة مدرسة مادة الانجليزي كانت تعبانه وغايبه
المهم حاولت ادخل على جميع الفصول خلال هالفصل بحيث اكسبهم واتعرف عليهم
لاني مااعرف المدرسه وماادري ايش المرحله اللي بتعطيني اياها فحاولت اكسب الكل بحيث لو جبرتني او خيرتني لاي فصل اكون مرتاحة له ومستعده له
خلال هالاسبوع دخلت على سادس هو فصللين دخلت على واحد منهم وحاولت قد مااقدر الطف الجو واسولف واخذ واعطي وكانت حصة احتياط
فيعني مايكون فيها هذاك الالتزام او الشده فيه
بس للاسف انهم قلو ادبهم وصاروا يسبون في المدرسات وبنات الكليه حاولت يمين ويسار اني ارد عليهم باسلوب او اني اخذهم باسلوب الحوار لكن جدااااااااا شايفين انفسهم وانهم كبار وخلاص لنا كلمتنا
والمشكله في هذي المدرسه ان كلهم بنات مديرات ومدرسات وموجهات والعوائل الهاي هاي وكل وحده كانها تقول لا احد يكلمني

صح الدراسه مافيها تمييز وكلا بشطارته واجتهاده لكن هم يتعاملون بهالاسلوب لدرجة يصيرون وقحات على اساس انا بنت فلان وامي في الوظيفه الفلانيه

الزبده اللحين واللي ابيه منكم ابي وسائل وافكار اسويها خلال ال***
مدرستي وزميلتي اللي تطبق معاي اللي هو تخصصنا الانجليزي
بيننا تنافس
صح مو بالعربي الفصيح بس من بين الكلام شوفيني جبت وشوفيني سويت

وانا تعععععععبت وانا ادور افكار تناسب عقلياتهم مالقيت

مشكلتي فصل هااااادي ويتحمسووووون باي شئ تسوينه
والفصل الثاني اللي تخانقت معاهم شايفين انفسهم جدااااااااا

اخاف اسوي اي شئ ويستتفهوني او مايخذون ويعطون معاي او مايتقبلون اي شئ اسويه

عشان كذا ابيكم تساعدوني
الله يسعدكم كلكم اخذت كذا فكره من هذا المنتدى بس برضه ابي اشيا اكثر
ماابي اتشرط او ابي اطلب الصعب بس ابي اطلع بصوره حلوه وسمعه حلوه بعد

زميلتي جابت فكره لوحة فلين فيها ميني ماوس كبييييره ومعاها بلونات شكلها جدااا جميل ماشا الله
البلونات بعدد مجموعات الفصل واي مجموعه تشارك تمام تحط فيها دبابيس بعدد مشاركاتهم وافضل مجموعه تتكرم نهاية كل وحده او نهاية كل شهر
بس اللي مساعدها انهم رابع وباقي صغار ومتحمسييييييييييييييييين بالمره معاها

ساعدونييييييييييييييييي الله يساعدكم دنيا ودين انا واللي طحت عندهم
انا مااحب اسلوب التنافس لان كل واحد له قدرات وميزانيه وكذا
بس انحطيت بين ناس الله لايحطكم بينهم مايرحموووووون وشايفين انفسهم ومو شايفينك شئ فهالوقت لازم اتحرك واثبت نفسي بقدراتي

ايه ووحاجه بعد ادري ثقلت وطولت عليكم بالكلام بس وربي اني محتاااااااجه مشورة ومساعدة احد
وباذن الله دام ربي ارسلني لكم انكم ماتقصرون معاي ولكم دعوه في ظهر الغيب

الحاجه انه زميلتي امها مدرسه وتعرف مديرة المدرسه ومدرسة المادة ونص مدرسات المدرسه
وامها موصيه علها ومن هالكلام
وكل ماقلت شئ او حاجه قالت باكلم امي تكلمهم يسوون اللي ابيه وغصباً عنهم
انا من اولى ابتدائي وشوفوني اللين كم وصلت اللحين اكررررررره ماعلي بنات المدرسات واي وحده امها في منصب معين لان الباقين بينظلمون لان هذي بنت المدرسه او الميره الفلانيه عليها ريشه وانتوا كخه عليكم يابابا

انا صح امي مو مدرسه جعلني فدااااااااا رجولها بس ابي اثبت نفسي بنفسي وبنشاطي
واحاووووول قد مااقدر اني اكون الاحسن بمساعدة ربي اول شئ يعيني ويعاوني
وثاني شئ اجاهد واثبت نفسي بمجهودي وتعبي


وبس