ابي مساعدتكم ونصيحتكم... احتاج كلامكم

سلام عليكم جميعاً....
انا رح ادخل بالموضوع على طول اول شي انا اول مره افتح قلبي واقول ذا الكلام بس لان الشي هذا اثر فيني كثير
انا مشكلتي من يوم م كنت صغيره كنت اتعرض لتنمر وكانت شخصيتي ضعيفه هذا الكلام من يوم م كنت بالابتدائي كنت اتعرض للضرب من المعلمات استهزاء من الطالبات والله م تتخيلون قد ايش الشعور يوجع ومحرج اذا مدت يدها علي قدام البنات طبعا م كانت عندي جرأه اتكلم لاهلي اصلا بس المشكله يالي كانت تحطمني حتى من نفس العائله كان الكل يضحك على نحفي وعلى شكلي كانو يضحكون ولاكان يالي قدامهم طفله صغيره تريقه على شكلي على نحفي عقدوني كثييييير
تخيلو حتى وانا بثنوي كنت اتعرض لتنمر مع ان في العمر ذا المفروض تكون شخصيتي قويه بس للاسف يالي صارلي وانا صغيره خلاني خوافه جبانه م عندي رأي لدرجه وحده وقفت قدامي هيا وصاحبتها قالت شايفه هذي جبانه ايش ماقلت لها مستحيل تسوي شي والله وجعتني حسيت بضعف عطيتها ظهري ومشيت ومواقف كثيييره اتعب وانا اقولها...
انا الحين عمري ٢٦ بس محد معاي ولاحد يحس فيني حتى صاحبات م عندي اهلي ولاعمرهم فكرو يسالوني انتي كيفك او ايش حاسه فيه حتى اذا اتكلم مع امي مالها خلق تسمعني او حتى اختي دايم تسكتني خلاص اسكتي. ابي اسولف ابي اغير جوي بس م فيه احد يسمعني لا صاحبه ولا اهل وربي تعبت حتى طلعات م فيه لان ابوي يخاف علينا لدرجة مو طبيعيه يوسوس في كل شي حتى طلعات مع بنات خالي عمي لوحدنا ممنوع بس مع اهلي حتى اذا طلعنا لازم نرجع منكدين يا بنااااااات وربي تعبت حياتي صارت مطبخ غرفة نوم حتى خصوصيه م فيه
اسفه اذا طولت عليكم بس جد احتاج كلامكم