السلام عليكم
مساء الخير
حبيت اعرض عليكم مشكلتي بعد تردد شديد مني
مو عشان شيء لكن لعدم قدرتي على مصارحه احد ..
ومشكلتي مع والدتي ..
فانا لا اقبل منها اي شيء .. احس ان ما تربطني معها مشاعر محبه وود
اكيد كلكم بتتكلمون وكلا بيقول ويهزئ ومادري ايش عادي بتقبل اأمر بصدر رحب ...
بنات اقسم بجلال الله اني ماكذب فعلا من يوم وانا صغيره وهي كلامها لي جارح واحس انها ما كانه بام في تعاملها دائم تتعمد لتجريح قدام الكل .. دام تحاول اهانتي ..دام تتكلم علي وتهزئني .. دايم تحسسني اني اقل من غيري حتى مع اختي واقرب الناس لي تقارن بينا وعلى انها لأفضل وان كلامها المسموع لكن لو اتكلم انا لـ السنه الجايه ماحد يسمع لي.. لا تستغربون والله العظيم هذا هو اللي حاصل
دام والكلام الجارح على لسانها ما عمري سمعتها تحن او تعطف علي بكلمه
واذا ما سمعت كلامها او بينت لها انها على خطا رجعت فيني اللوم كله
لدرجه انها تتهمني انتي بتجيبي لنا العار وانتي فضيحه وانتي ..
مع اني اقسم بالله ماسويت شيء ..
احس من تصرفاته ما كاني بنتها ماكانها امي ..
اشوف البنات من حولي كل وحده تقول وامي وامي وانا ياحسرة امي وين وانا وين ...
احاول كل ما جلست في مكان اهرب منه ماجلس كثير معها
لاني لو جلست جابت لي ميه سالفه وميه مشكله فاتجنب الجلوس دايم معها
وتجمدت مشاعري اكثر لما اشوف معاملتها للوالد معامله قسوة
ماكانها زوجه ولا ام تخيلوا يا بنات تدعي عليه بالموت
وان ربي يفكها منه قريب .. والله العظيم ما تتخيلون كيف معاملتها
حاولت كثير قلت يمكن انا السبب مني ماعرفت اتعامل معها سكت عنها
وما عاد سويت شيء وكل ما تقول شيء اسويه لها .. تمادت اكثر لحد مانهلكت صرت الوحيده اللي كل البيت علي
ولما صارحتها وقلت ليه بس انا قامت تسب وتهزئي وتجرح بكلامها اللي زي السكاكين...
حتى لدرجه انها حرمتني من كذا وظيفه والسبب انها مادخلت مزاجها ليه اتوظف اجلس عندها في البيت اكرف احسن ....
والزواج مع اني تو عمري 20 وتتكلم علي لحد الحين ما قد جاء احد ياخذك
وحتى وان اخذك بعلمه بكل عيوبك واقول فيك وفيك وفيك...
مع اني ماني الكبيره واصغر البنات لكن
سالتكم بالله في امي تسوي في بنتها كذا
بناااااااااااااااااااااااااااااااااااااااااااااااااااااااااااااااات
والله وماحلفتوني اقسم بجلال الله اني فكرت انتحر بس تذكرت عقاب ربي يعني لا دنيا ولا اخره رابحين فيها
فكرت اهرب بس وين اروح وش ذنب ابوي واخواني يتحمل مصيبه فوق مصايبهم مانا لو هربت بتجي فوق روسهم امي لا لها شغل ولا شيء
قولوا لي وش اسوي وش اصلح والله يابنات اني اكتب لكم ويالعبره خانقتني
وش اسوي لا تقولون روحي تفاهمي معها امي لا تفهم وحتى لو انتي
مليون في الميه صح في نظرها خطا
وسياستها ان لم تكن معي فانت ضدي
وانا شفت كيف معاملتها مع الكل اذا ماحد سمع لها
قامت وحملته مصايب الدنيا كلها وسودت عيشته بكلامها الجارح
اتمنى تقرون كلامي زين..
تحياتي
اختكم المعذبه
الميلاف @almylaf
عضوة فعالة
يلزم عليك تسجيل الدخول أولًا لكتابة تعليق.
مدري شقول لك بصراحه .. امك تعاملها غريب. . بس اكيد فيه سبب .. مو معقول ام قلبها قاسي لهدرجه ..
سامحيني ماعرفت وش ارد عليك .. كل اللي بقوله .. الله يهدي سرها .. :26:
سامحيني ماعرفت وش ارد عليك .. كل اللي بقوله .. الله يهدي سرها .. :26:
الميلاف
•
هلا فيك...وشاكره لك حضورك
اي والله مع الكل مع اللي في البيت كله لكن تحملوا
لكن انا خلااااااااااص ما عاد اقدر
صار عندي رهاب اجتماعي من كثر اللي فيني ..
ولما تشوفيها برى معاملتها ولا احسن منها ولما تشوفيها في البيت
والله مو كانها اللي برى تنقلب 360 درجه
ماقول الا الله يعيني ..
:::::::::::::
يا عمري مشكوره على مرورك...
كلمي او خلي
اتذكر ابوي كلم اخوانها اللي هم خوالي ..
تدري وش سوت ورب البيت ما خلت كلمه شينه الا وقالتها
من بعدها حرم احد باقي يكلمها او يقولها شيء
انتي ما تتخيلي حتى لو كلمتيها تقلب عليك ولو قلت ليها بالخط اللي تسويه
طلعتك انت الغلطانه وهي الصح ....
الله يعين ويصبرني بس .. ماعاد لي امل والله في حياتي معها
::::::::::::::::::::::::::::
هلا فيك يالغاليه وشاكره لك مرورك وردك
ولا انا تصدقيني مادري وش اقول عن حياتي معها
والله مافيه سبب معين
تدورين يمين يسار مافيه شيء يخليها تسوي كذا
من يوم عرفتها وقلبها قاسي ورب البيت ماعمره اخذتني في حضنها
ماعمره جات وسالتني وش فيك تبكي او وش فيك متضايقه
الا تقول الله يزيدك.. :icon33:
يابنت الحلال وحتى وان ماعرفتي
انا نفسك صاحبة المشكله ماعرف وش اقول
ولا وش اسوي
مااقول الا ياكريم تفرجها من عندك...
والله يهدي سرها...
::::::::::::::::::::::::::::::
اللهم آمين يسمع منك ربي
ويعطيك الف عافيه على الدعوه الحلوه..وشاكره لك مرورك
::::::::::::::::::::::::::::::::::
شاكره لك يا لغاليه مرورك....
الله يهديك بس هي خلتني اروح لوحدي هنا للوظيفه بتخليني اسافر برى..
تبي كلامها يكثر انتي :)
جلست متزاعله انا وياها اكثر من سنه ولا حست بغلطها
ولا فكرت انها تقول انها غلطانه
ولما كلمتها واعتذر قالت انتي السبب ......
آآآآآآآآآآآآآآآآآآآآآآآآآآآآآآآآآه بس الله يعين
تحياتي لكم جميع
ويعلم الله اني فرحت بردكم علي
الصفحة الأخيرة
يا اختي طيب لماذا كلميها
هل هي مع كل اخواتك هيك وله بس انت