ابي مساعدتكن مشكلتي مع امي مابي ارفع صوتي عليهااا

ماشاء الله عليك باين انك عاقل وفاهمه
والدليل انك حاسه ان فيه شي غلط يصدر منك يمكن غصب بس برضو يبي لك توقفينه نهائيا

ياعمري يامك حتى الغسل تغسل ملابسك :(
هذي المفروض بعيونك الثنتين ماتزعلينها عليك ابدا ً في كل شي قولي لبيه وابشري وان شاء الله
خذيها بالكلام الحلوو وبوس الراس واليد والخشم ورجلها بعد

صدقيني بعدها هي بتخليك على راحتك كثير بس اذ صاحبك عسل لا تاكله كله
داريها واسمعي كلامها هي تنصحك لانها تبي مصلحتك ولانها اخبر منك وانسانه جربت وعرفت الدنيا

طيعيها صدقيني ماتخسرين ابدا ً وكل ماكبرتي تذكرتي وقلتي الحمد لله اني سمعت كلامها وشورها
وتنبسطين من نفسك اذ شفتيها مبتسمه ورااضيه عليك هذا اكثر شي يريح

وتذكري ان دعاءها مستجاااب فاذا كنتي بنت ترضي امها بتدعي لك بكل شي حلووو
ولو كانت غضبانه عليك حتى لو حطت بقلبها ولا دعت ربي كاشف الاسرار ولا يرضى بعقوق الوالدين وعقابه بدنيا قبل الاخره

فانتبهي ياقلبي وخلي امك بعنونك الثنتين ولا تقارنينها بالناس الباقين وش جاااب لجاااب ياحلوه

..

.

يا حلوك يا وجدانوه ....

يعني تعصبين على امك ؟؟؟ ... هاه؟؟؟

في البيت الواحد لازم يكون فيه شد و مد ... بس مو لدرجة نرفع اصواتنا ...<== تصير احيانا

بس انا اقولك ... ابدي بالتدريج في تغيير اسلوبك ...
انتي واضح عليك خفيفة دم و دلوعة ... صح؟؟ قولي صح...

المهم اذا قالت لك امك شي وشفتي نفسك بتعصبين ... غيري الموضوع الى مزح وتريقة ...
يعني اذا قالت لا تطولين عالجوال ... قولي لها : الا بطول عشان نحش فيك يا ماما وتاخذين من حسناتي ... فداها
واذا قالت انك بتجيبيلها جلطة ... قولي لها : عشان تفتكين مني ...
وهلما جرا ...

والله يا وجدانوه ان الام ما يحس فيها الا الام اللي زيها...

والله ثم والله اني ما حسيت بفضل امي علي الا لما جبت طفل ...
تعرفين عن المقولة اللي تقول ان الجنة تحت اقدام الامهات ...
طبعا هذا حديث ضعيف عن الرسول ...
قبل الزواج كنت اتعجب من اللي يقولون انه حديث عن الرسول... لانه لم يرد عنه صلى الله عليه وسلم
لكن بعد الزواج ... احسه صحيح ... استغفر الله

المهم بادي بتغيير اسلوبك بالتدريج الين تحسين ان العصبية راحت من حالها...

والله يوفقك...
انتي طيبة والدليل انك تبغين ترضين امك
ياليت امك تشوف موضوعك ... صديقيني بترضى عليك لانها تدري انك تبغين رضاها

الله يخليكم لبعض

المتغلية يسلمو حياتي على ردك الحلو وان شاءلله احطها بعيوني واكثررر وراح اسمع كلامة بس احيانا تجبرني على شي وانا مابي 00 وياحلوك ياليلكوه 00ليلكوه تسلمين حبيبتي شاكرة مروركم وان شاءلله بالتدريج اغير من عصبيتي ميرسي اي يقولون دلوعة وخفيفة دم مابعرف

تقوليلها لا ماشاء الله عليك هههه صريحه انتي
قلبوو لاتقولين لا لامك يعني تعذري ولا تقولين لا
وساعدي امك بالبيت بعدين اقضبي جوالك زي ماتبغين
يعني بالله بدال الهرج بالتيلفون بالساعات مو احسن تسوين شي يبسط امك؟!
وكنو على اسلوبك اللي تقولين اسويه مع امي وغيرها ..عادي ياعمري محلوله والحل سهل جدا اقولك ايش هو؟









غيري اسلوبك الله يرضى عليك:35:


يعني اذا الوحده ماغيرت اسلوبها اللي ينرفز عشان امها تغيره بالله عشان مين؟؟!!
وانتي ياوجدان تقريبا قدي بالعمر دامك رايحه ثاني جامعه يعني عاارفه نفسيات البنات بهالسن تقريبا
لكن والله مااتجرأ اقول لا لامي

عاد وش طلبت منك ؟؟!!
والله الامور اللي قلتيها تبين ان امك حبيبه وحليله
بري امك واصبري عليها وغيري اسلوبك اذا كان بهالتغير رضى امك عليك
الله سبحانه وصى في القرآن الكريم بالوالدين ..صدقيني بتكسبين راحة البال والسعاده بالدنيا والاخره اذا امك وابوك كانوا راضين عنك.

أكثري الدعاء بصلاتك ان الله يحنن قلبك على أمك ويزيد برك فيها
ترى الدعاء مفعوله كالسحر ..