ابي مشورتكم

بنات انا وزوجي كل واحد منا عايش بجهه يعني هو ينام بالصاله وانا بالغرفه تقريباً مرتين بالاسبوع ينام بالغرفه وتنام بينا بنتنا وهي مره حركيه ترفس هو ماتوقع ان بسببها ينام بالصاله لان ماقد قال انها تزعجه يقول المكيف يزعجه ينام على الكنب وبدون مكيف احيان ويقول ارتاح وانام بعمق اما السرير كل شوي يصحى ويقول ان نومه يصير مقطع طبعاً اذا بالغرفه لازم لازم بعد ساعات يرجع للصاله ويكمل نومه انا مليت وصرت ماناقشه واذا تكلمت قال طيب وجاء للغرفه تسكيت العلاقه الخاصه بينا زينه ومن بعدها كل واحد بجهه اول مايصحى يلبس ويطلع ويكون مستعجل مره ويقول عندي شغل بالمحل واذا نزلت بعده بشوي احصله عند اهله متكي ويسولف طبعاً ماعاد اشوفه من العصر لين اذان الفجر كل يوم هو عنده محلات وشغل وكذا من بعدها يطلع من اصحابه وسوالف من مكان لمكان لين الفجر ومايكون بينا اي تواصل لا رسايل ولا حتى ادري هو وينه يعني مايشارك ولا يسولف معي اذا بغيت شغله دقيت عليه طبعاً لان اخوي دايم معاه واخوي يصور ستريك اعرف وين يروحون بس زوجي مايقول كل كلامه طلعت مع الشباب نمشي اذا قلتله ليه م تقولي وتشاركني وش تسوي يقول لو قلتلك بتقولين وليه ماتودينا ذا المكان ومدري وش ماناكل مع بعض ولا ندري عن بعض ويرجع البيت يجلس بالصاله على جواله ومسلسلات طبعاً انا اروح لعنده ونسولف وكذا ساعتين اربع وكل واحد يروح ينام لكن هو مايجي للغرفه قسم بالله يحسسك ان لازم شي مهم بالغرفه عشان يجلس فيها حتى مايقعد معانا عشان يسولف كله لحاله وانا اللي اجيه وانا مليت من ذي العيشه اللي كلها تعقيد وكلها انا ابادر من ناحيتي بكل شي بمشاعر وكلام واحاول مايمر اليوم بدون مانتكلم وادور طلعات معاه عشان بس يكون بينا وقت اما من ناحيته صفر الطلعات مايرفضها هي الطلعه ممله انا مليت من ذا الروتين ومهما اتكلم مايتغير وتصير بينا مشكله هذا وانا تاركته طول اليوم يحسسك انك هم ع قلبه اذا سولفنا يقول سويلك شغله او مشروع ع اساس انه رجل اعمال وله اشغاله اللي اصلا من خير ابوه وانا ودي ان اتوظف واستغني عنه للابد لانه بتصرفاته ذي كأنه يبي الفكه بأي طريقه