ابي مشورتكم الله يفرج همومكم

السلام عليكم .. قبل ما ابدا بمشكلتي ابي كل وحده تحط نفسها بمكاني و ما تستخف بمشكلتي واتمنى من اللي يدخلون ما يبخلون علي بمشورتهم .. انا عمري عشرين سنة , والحمد لله جميله بشهادة اللي حولي .. و متملكة لي ثلاث شهور تقريبا .. ورجلي مهب مقصر معي بشي .. لكن انا عجزت اتقبله يعني هو من اول ما خطبني وانا مره ماني متقبلته بس الرجال مافيه عيب وكنت مستحيه اقول لاهلي اني ماني متقبله شكله .. ترددت كثير قبل ما اوافق عليه لدرجه اني كرهت كل شي .. و اهلي كانوا دايم يقولون لي بتندمين لو رفضتيه .. ومع اقناعهم وافقت وقلت مايحلي الرجال الا شخصيته .. بس كنت حاطه في بالي اني اذا مره ما قدرت استمر معه انفصل في وقت الملكه .. والله اني في نفس يوم الملكه عقب ما راح قعدت اصيح حسيت اني تورطت .. و بعدين اذا زارني ساعه ما اخليه يتعداها وكأنه جالس مع اخته حتى ما ودي يناظر فيني .. وبعد شهر تقريبا بدت المشاكل بينا .. صرت اتنرفز منه مره .. و قلت لامي عن كل شي وقالت تطلقين اللحين والا بعدين وابوي كلمه وقال له يطلقني .. بس انا قمت اصيح خايفه من الطلاق .. انا اللحين ما ادري ايش اسوي استمر على كلمتي واتطلق والا لا .. خصوصا ان ابوي مره مهب مأيدني .. وانا خايفه اني اذا رجعت بكلامي ارجع افكر بطلاق مره ثانيه واتعب الرجال معي .. واخاف اذا تطلقت اندم واقعد بدون زواج .. (والله اني حاولت اني اتقبله بس عجزت ) ابي مشورتكم الله يفرج همكم