بسم الله الرحمن الرحيم
السلام عليكم ورحمة الله وبركاته
بنات بقولكم مشكلة قريبتي وأبي رأيكم وخاصة اللي مرت بتجربة مشابه لتجربتها
هذي الله يسلمكم بنت عمرها في منتصف الثلاثينات ماتزوجت وهي من عائلة غنية
وملتزمة ومملوحة و إذا تزينت تصير تهبل لأنها أنيقة مشاء الله وتتقن الميك أب ،
من قبيلة معروفه مره . المهم هي متعامله مع سواق يوديها مشاويرها العمل أو الخرجات لما يكون
سواق البيت مشغول ، وهذا السواق سعودي أصغر منها تقريبا بـ 7 أو 8 سنوات أبوه حارس مدرسة
وأمه فراشه وأمه هي اللي أعطتها الرقم وقالت لها ولدي يوصل مشاوير
وهو من قبيلة غير معروفه نادر تسمعين عنها أو على اللأقل في منطقتنا مانسمع فيها كثير
حصل موقف مره أنه حاول يسألها عن نفسها بس هي هاوشته وهزئته وقالت له إذا بتجلس
تتكلم في السيارة وتتدخل بشي مايخصك لا عاد تجي تراك منت من أهلي عشان اسولف معك
واليوم الثاني في المدرسة جات أمه وأعتذرت لها وقالت لها ترا ما قصده الاّ خير ويقول أنك محترمة وبنت رجال
ومن بعد هذا الموقف وأمه تلمح لها أنه يبي يتزوج وما يهمه العمر المهم الأخلاق
وهو صار كل ما قابل أخوانها يسلم عليهم ويحاول يتقرب لهم
اللين هذا الأسبوع قال لها وهي نازله من السيارة ترا أمي بتزوركم وأنا ابي أجي أقابل أبوك وأخوانك
نزلت من السيارة من غير ماترد عليه لأنها فهمت أن قصده خطبه
المهم اش رايكم هي ما هي موافقه لعدة أسباب منها فرق العمر والمكانة الإجتماعية
وغير كذا شخصية الولد مو عاجبتها أبداً وشكله مره مو حلو وغير كذا هي تتمنى واحد ملتزم
وهذا عادي ماهو ملتزم وصديقاتها يقولون لها وافقي يمكن ما يجيك غيره وهذا ميزته أنه ماهو متزوج
وأنت بهذا العمر ماراح يجيك الاّ واحد متزوج .
اش رايكم يابنات مين مرت بنفس الظروف وكيف عاشت معه بسعادة ولا مشاكل
أنتظر مشورتكم الله يوفقكم يارب .
يلزم عليك تسجيل الدخول أولًا لكتابة تعليق.
جرأه مع خجل
•
تستخير رب العالمين
والله ما أدري يمكن طمعان في فلوسها ..
ويمكن ما ترتاح معاه لأنه مو من نفس مستواها الإجتماعي ..
وبعدين اذا هي مو مقتنعه وتبي واحد ملتزم تصر على رأيها .. وتستخير
والله يكتب لها اللي فيه الخير ..
ويمكن ما ترتاح معاه لأنه مو من نفس مستواها الإجتماعي ..
وبعدين اذا هي مو مقتنعه وتبي واحد ملتزم تصر على رأيها .. وتستخير
والله يكتب لها اللي فيه الخير ..
هي جاوبت على نفسها
نرجع نقول أهم شي الاستخاااااره
راح ترتاح بعدها تماما
والله يسهل أمرهاا ويكتب لها الخير ويت ماكان
وبرزقها بالزوج التقي والذرية الصالحه
انا اقولها خليها تستخير وبما انهافي هذا العمر وللحين ماتزوجة ليه ماتوافق عليه يمكن تجيب لها ولد منه يشيلها في كبرها
الصفحة الأخيرة