ابي مشورتكم في تصرفات خطيبي وكلامه لي//اكتفى من الردود

لسلام عليكم
هذا المعرف مو لي لصديقتي وهي الي قالت لي اني اكتب في منتدى عالم حواء واستشيركم في مشكلتي وسجلت في المنتدى عشاني واكتب من جهازها لاني ماعندي نت ولا جهاز ضروفي الماديه ماتسمح لي
انا مخطوبه وكلام خطيبي وتصرفاته لي غريبه اذا جاب لي اي شي يقولي لاتعطين اخوانك وخواتك منه مثلا يجيب لي حلويات وشبسات يقولي كليهم كلهم وما تعطينهم ياكلون معاك والمشكله يجيب لي كميات كبيره مو واحد ولا ثنين وصعبه علي اكل وهم جمبي وما اعطيهم ياكلون معاي ومره جاب لي عشى قالي تعشي منه انتي وبس واذا بقى حطيه في الثلاجه وبكره سخنيه في المكرويف بعدين قال اوه نسيت اكيد ماعندك مكرويف خلاص سخنيه في الفرن قلت له عندنا مكرويف قال زين والله توقعت ماعندكم ومره جاب لي كيكه ولابتوب هديه نجاحي وجلس فتره يتكلم ويهذر علي اهلك بيأكلون كيكه عمرهم ماكلو مثلها انا طورتهم بفلوسي قلت له احنا نشتري كيك عادي وناكل قالي اتحداك تشترون مثل هالكيكه اكيد تشترون من مخابز عاديه جدا على حسب مستواكم والابتوب جابه لي بس يرويني اياه وهو طالع خذه معاه يقولي بعد الزواج اعطيكي اياه واعلمك عليه الحين اخاف اعطيكي اياه وتخلين خواتك او اخوانك يجلسون عليه
والجوال ازعجني عليه يقولي لاتخلين احد يلعب فيه ولا تعطينه احد واذا جى يفتش ويشوف اذا فيه العاب او لا ومره شاف لعبه الكوره منزلتها هاوشني وصارخ علي ليش خليتهم يلعبون فيه قلت له انا نزلتها اذا طفشت العب فيعا قالي كذابه وحذفها وحذرني اني ما انزل ولا لعبه
واذا جلسنا نتكلم يلمح لي كثير اني ما اعطي اهلي ولا ريال من مهري ويقول المهر من حق الزوج ويعطيه الزوجه عشان تشتري ملابس وزينه لزوجها وحرام عليها تعطي اهلها ريال واحد
والشي الثاني الي قهرني واستغربت منه يقولي لاتشلين شعر جسمك الا لين تأخذين الاذن مني واذا شلتي من غير ما ادري والله لاكسر ايديك هذا الشي من حقي وانتي ملك لي وانا الي بشيل لك بكيفي انا فكرت انه يمزح معاي بس بعد ماجى اكيد لي انه جاد وقالي وش بيسوي وقالي اذا صرتي عنيده بتشوفين شي ماشفتيه انا بسوي الي ابيه فيك
وطلب مني اشوف افلام اباحيه عشان اتعلم واخذ خبره قلت له حرام ولا تشوف قالي مب بكيفيك ولاتصرين مثاليه زيداه عن اللزوم واذا جيت بشوف مب اخذ الاذن منك وغصب عليك بتشوفين معاي وصار يرسل لي صور ومقاطع على جوالي

قالت لي صديقتي اني بتعب معاه بعد الزواج اذا كذا تفكيره وكلامه لي في ايام الخطوبه الي المفروض الواحد يبين طيبته واخلاقه ويدلع خطيبته مو يذلها في كل شي يجيبه لها ويحقق معاها وما يحترم اهلها ويطلب اشياء غريبه
انتوووو وش رايكم وش اسوي تعبت ومقهوره منه