حبيت استشيركم لانه صار لي فتره وانا محتاره في لون صبغ غرفتي وإعادة ترتيبها
غرفتي صغيره 4 ×4.5 تقريبا
خلوني اوصفها لكم وانا داخله من الباب
اول شي الجدار اللي عليه باب الغرفة وجاي الباب على جنب
الجدار الأمامي عليه شباك صغير في الوسط
وجدار عليه المكيف سبليت
وجدار عليه باب غرفة الملابس وباب الحمام (الله يكرمكم )
وهذا رسم كوروكي لها >> دقيقه البنت مره
وصايره غرفتي كوكتيل الوان
باب الغرفة وباب الحمام لونهم ابيض
وباب غرفة الملابس سحاب لونه بني خشبي
وسيراميك الغرفة لونه درجة من درجات الموف الخفيف
وغرفتي لونها بني خشبي
ادري انه من الافضل اختيار لون فاتح للجدران لان غرفتي صغيره
بس والله جاي على بالي لون غامق بقووه احسه اكشخ ويجيب النوم على طول >> من ذوات النوم نهارا :hahaha:
فمع حوسة هالالوان ماادري وش اسوي
جاتني فكره وصورت جدار غرفتي وعلى طول على الفوتوشوب
وقمت اغير بلون الجدار عشان اطلع بنتيجه
وجاء وقت مشورتكم
اترككم مع الصور
هذا لون البلاط اللي قيدني
وهذا الجدار اللي عليه الحمام وغرفة الملابس ( قبل الشخابيط )
وهذي الصوره بعد تلوينها بالفوتوشوب وش رايكم باللون حلو ولا اغيره ؟؟
(لا تشرهون على التلوين تراه شغل عجل)
طيب وش رايكم بالاورنج يناسب ولا لا ؟؟
طيب ولا هذا اللون
وهل اصبغ كل الجدران بلون واحد ؟؟
ماعجبتني فكرة تلوين الجدران لان الغرفة مربعه مافيها دخلات ولا بروزات فما احس التلوين بيطلع حلو معها
والجدار المليان (باب الحمام وباب غرفة الملابس) فكرت اخليه مقلم بخطوط فاتحه وش رايكم ؟؟ عندكم فكره ثانيه ؟؟
ووش تقترحون علي نوع البويه بلمعه ولا نص ولا .....الخ ؟؟؟
واذا انا صبغة لون غامق صح من الافضل ان تصير الغرفه بيضاء ولا عادي لونها الخشبي ؟؟
مفكره العب فيها واصبغها ابيض تشجعوني ولا لا ؟؟؟
انتظر ارائكم ومقترحاتكم
ابي افكار جديده
كلي اذان صاغيه
وجزاكم الله الجنه :26:
يسلمووو