ابي مشورتكم لا عدمتكم

يمكن اختي انتي تبغين واحد يشبه ابوك يعني بالنسبه لك فارس الاحلام مب اللي يجيك على حصان ويشيلك وله عضلات ووسيم ووو لا انتي وايد متأثره من ابوك وتبغين واحد يعطيك حنان نفس حنان الاب وهذا ماراح تلقينه عند زوجك لان الزواج غير والابوه غير يمكن هو اللحين يلبي لك مطالبك ويسمع لك ويدلعك بس بعدين مع الاطفال ومسؤوليه البيت يبغي زوجه تدير بالها عليه وعلى بيته واولاده والرجال يدور عن الحنان مثل المره يعني هو بعد يبغي دلع ويبغي زوجه تحبه وتراعيه وتشوف اموره وتحاوره عشان كذا فكر فيك
نصيحتي لك ابعدي ابوك عن تفكيرك لما تستخيرين بالنسبه لهذا الزوج وفكري بعقلك قبل قلبك هو كبير في السن وراح تدفنين شبابك مع واحد فاهم وواعي يمكن يصدمك بعد الزواج لانك تبين حب ودلع وحنان مثل دلع ابوك وهو بيطالبك انك تكونين عاقله ومسؤوله منه ومن اغراضه وبيته ووو يعني الزواج مسؤوليه مب بس دلع وحنان
انتي استخيري مره ثانيه وشوفي تاخذين هالرجال والا تاخذين شاب مثلك يعلمك اصول الحب وتعيشين معاه فورت الشباب تطلعين تدخلين معاه وتبنين معاه اسره تكبر قدام عيونكم وتتهاوشون وتتفاهمون والا تاخذين واحد لما يكبرون عياله ويحتاجون حزمه او حتى لما تحاورينه تلقين افكاره اكبر من افكارك بعشرين سنه وعياله لما يصير الواحد منهم عمره عشر سنوات هو كم عمره !!! 50 او 60 !!! يعني كيف بيتابعهم كيف بيتحاور معاهم او حتى بيتحاور معاك فكري بنفسك وانتي معاه بعد عشر سنين كيف بيكون وضعه وصحته وكيف بتكونين انتي وباي سن
يمكن سعادتك مع هالرجال ويمكن تكون مع واحد ثاني شاب مثلك نصيحتي لك لا تستعجلين ومثل ماقلت لك شيلي ابوك من عقلك وقلبك لما تستخرين بالنسبه لزواجك

انا من رايي انج تتوكلين على الله
اعرف صديقة لي حالتها مثل حالتج
وايد عاقلة ورزين ماشاء الله عليها وهي الحين مستانسة مع زوجها
احسن لها من واحد طايش اهم شيء التفاهم
وسالفة الطلعات والسفرات والخرابيط ممكن اي زوجة اذا كان زوجها يحبها انها تؤثر عليها وتخليه يطلعها العمر ماله شغل
الله يوفقها
ذكرتيني بصديقتي فديت عمرها

اختي غرشوب لا ماني حاطة والدي في بالي وشدعوة انا ابي زوج مهب اب
الحمد لله الله يخلي لي ابوي الوحدة يكفي عليها ابواحد مهب اثنين
بس انا تفكيري غير مو راعية طلعات ولا سفرات ولتاشيء انا شبعت من هالسوالف ابي استقرا وزوج متفهم واكيد راح اراعيه مثل ما يراعيني انا راح اتزوج حبيبة قلبي مو حاطة في بالي اني رايحة كشتة وهذا بعد تفكير عميق بس بعد قلت ابي اخذ مشورتكم فديتك

ما علي زود مشكورة يالغالية طيب صديقتككيفها الحين مع زوجها هل هي مرتاحة وايش الخلافات اللي بينهم تدور حوله

أنا مع الأخت غرشوب احس فرق السن مرة كبيييير....يمكن بكرة لما يتقدم فيكم العمر راح تندمين على هالقرار...فرق العمر يعني إنكم من جيلين منفصلين تماما...هذا رأيي
بس شكلك متخذه قرارك وخالصه عشان كذا ما أقدر اقول غلا الله يوفقك وتوكلي على الله واتمنى لك من كل قلبي سعااااااااااااااااادة زوجية ابدية:) آآآآآآآآآآآآآآآآآآآآآآآآآآآآآمييييييييييييييين

بصراحه .. من رايي انه يعتمد على عمرك

يعني اذا انتي وصلتي الثلاثين اعتقد بتكونين ناضجه كفايه لتتأقلمي مع واحد يفوقك بالعمر بـ 20 سنه !!!

اما اذا كنتي في بداية العشرين فالمفروض انك تفكرين مليون مره قبل اتخاذ القرار .. لان العواقب ماتفكرين فيها الحين .. اذا كنتي عشرين وهو 40 و بعد كم سنه بتكونين في عز شبابك و هو في الستين .. !!!

مافكرتي بهالشي ؟؟؟