ابي مشورتكم ..هل اعزم جارتي بدون خوات زوجها ولا لازم اعزم الكل..

السلام عليكم بنات..
محتاجة مشورتكم بحاجة ..ابن عم زوجي هو جارنا وعلاقتي بزوجته كويسة ..
ابن عم زوجي استاجر استراحه لامه واهلها لكن لظروف ماقدر الاهل يجون وامه سافرت لهم ..فقلت لزوجي ليش مااكلم اهلي بما ان الاستراحه الحين فاضية تصير قطية بين اعمامي ونستانس خصوصا ان هنا في ديرتي كل اهل زوجي مسافرين مافي احد وقلت بنادي مرت ابن عم زوجي لان زوجها دوامه من 6 المغرب الى 6 الصباح ..
لحد الان مافي مشكلة ...اخاف اعزمها يقومو خوات زوجها يزعلون لانهم هنا ماسافرو مع امهم علما انهم 2 متزوجات و2 قاعدات في البيت مع ابوهم..هل لو عزمتها لانها جارتي فيها شي .. وبما ان الاستراحه بتصير قطية بين اعمامي مالي حق اعزم احد الا لما هم يوافقو ولما كلمت امي عن جارتي قالت عادي هذة جارتك وهي يتيمه ..مو مشكلة..وبتدخل معانا بالقطة..
علما ان خوات زوجها المتزوجات..علاقتهم مع مرت اخوهم فيها حساسية لانها مو من جماعتهم فدايما بينهم مشاكل بسبب هالشي.. وديما اذا اجتمعنا يقطون نغزات وانا مابي اهلي يحسو بهالشي او يبان لهم..
الزبدة ابي اسوي خير واناديها لانها جارتي بس.. وللجار حق والله لو بعيدة مافكرت بس لانها جارتي قلت لها حق..
ومابي اوغر صدور خوات زوجها بس اناعارفه اهلي مايبون ناس غريبة معانا في الاستراحه عشان ماتكون في رسمية ونبي نفلها بدون احراج ..لان خواته رسميات بالحيل ومايجون الابالطلايب..
شرايكم ..انا قلت مابكلم جارتي حاليا اشوف رايكم وبعدين اكلمها..
لاتحسبوني اكرهم والله ما اكرههم لو علي كان عزمتهم لكن لما كلمت امي قالت لا نبي ناخذ راحتنا ونبي نسوي مسابقات وبنجيب اناشيد وبنرقص..قصدها نبي نكون لحالنا:( وجارتي بتكون لحالها احس صعبة وهي ماتقصر دايما تناديني عندها..وانا قلت بما ان زوجها مداوم بناخذها معانا بالسيارة ..واحنا بنرجعها..
شورو علي..:26: