ابي مشورتكم ودعواتكم

السلام عليكم ورحمه الله وبركاته
والله اني محتاجه لمساندتكم ودعمكم كثير لان ماعندي اخوات ومالي الا الله ثم انتم
بقول السالفه من البدايه انا تعبت يمكن اسبوع وزوجي ولادرى عني يقول تتدلعين واحيان يزعل وينام وحده وطبعا يبغى اقوم بكل حقوقه والله اني تعبانه واقوم اطبخ واغسل وانظف البيت واديه حقه الشرعي وامي مسكينه جلست الاسبوع هذا تجي عندي وتهتم بي وبالليل تروح على فكره زوجي نار وشكاك بدرجه كبيره حتى زوجه اخويه مايبغاني ازورها طلعه عندي اهلي بالموت وسب وشتم وقذف وانا صابره مالي غير دموعي اللي تواسيني والدعاء مرت عليه ايام ادعي على نفسي اني اموت وارتاح من الدنيا او يموت هو وارتاحه منه واقراء سوره البقره واذا وصلت عند (( واذا سألك عبادي عني فأني قريب اجيب دعوه الداعي اذا دعان )) اجلس ابكي ابكي اللين بيغمى عليه الله يعينني :(
المهم بعد الاسبوع هذا اللي مرضت فيه رحت المستشفي وعمللولي تحاليل وقالوا انتي حامل :icon28: بغيت اطير من الفرحه وقلت خلاص زانت لي الدنيا انا لي تقريبا سنه متزوجه بس تاخر الحمل ويافرحه ماتمت :(
بعد ثلاثه ايام رحت عند اهلي لان زوجي دوامه 24 ساعه الليله اللي قبلها كان مزاجه متكدر من مشكله صارت له مع زملائه واجى وحط حرته فيني وسوي لي مشكله من لاشئ ونام وحده وانا طبعا تعبانه لااكل ولاشرب يدوب اتحرك اسوي له الاكل واحطه له وعلى طول استفرغ :09:من ريحت الاكل المهم يوم انا عند اهلي اتصل عليه مايرد يمكن 50 مره ولاخبر يوم انتهى دوامه دقيت وقت مايطلع من العمل الصباح عشان يمرلي واروح ومارد وكررت الاتصال وباليل دق وقال ليه ماروحتي انت طالق عاد هنا جاني برود مدري من وين ولادمعه نزلت قلت لاهلي وحطيتهم بالصوره بكل شئ صار وقلت خلاص معد راح اكلمه :angry2:دق اليوم الثاني واديت امي الجوال وشغلت السبيكر وقلها اديني دندونه قلتلها قولي نايمه قلتله نايمه وقفل
اللحين لي شهر اخر اتصال منه ذاك الاتصال بس هو كلم اخويه وقال انا ابغي زوجتي والشيطان خلاني اقول ذيك الكلمه ومن هذا الكلام وانتهت السالفه
بس تصدقون احست دندونه الدلوعه رجعت مثل زمان ر:icon28:رجعت ضحكتها رجعت شخصيتها ورجعت لقت الحب اللي فقدته حب بدون مقابل حب اهلها لها وفرحتهم بحملها:)
بس وش رايكم يجيني وسواس اني ارسله رساله ابغى ابرد حرتي ودي اعرف اللحين كيف عايش بعدي وهو يقول مااحب الاكل الا من يداتك حتى اجي من الجامعه وانا تعبانه واطبخ الغداء عشانه بس تصدقون وش قهرني انه يقول من ورايه اني اكلي كله من المطاعم والله اللي شاهد اني اسوي الاكل حتى لوكنا متزاعلين وطبعا مايكله يشتري من المطعم واكلي ينكب
اللحين وش شوركم علي ادري طولت بس مالي غيركم لو طلب يرجعني اوافق ولا ارجع لحريتي